Bildots Orbison
Irudixa: TaurusEmerald CC-BY-SA.
Hasieran radixua entzutzeko erabiltzen gajenduan. Handik gitxira, sukalde-kronometro modura be balixo dabela ikasi najuan. Azken hillietan, ostera, musikia ipintzeko erabilli izan juat batez be; bere limitaziñuak jittuk (etxok hik eskatzen duana zehazki ipintzen, ordaindu ezian) baiña halan be ordu asko pasau jittuadaz sukaldian, nere hedonismo auditibua elikatuta. Izan be, akustika oso ona jaukak tramankuluak!
Baiña, honi be atxakixak agertu jakozak. Esandako moduan, nik musika asko entzutzen juat, astian 100-120 ordu errez. Gaiñera adi egoten nauk: esan gura dot, errepikapenak bajagozak (irratiformuletan lehez), konturatu egitten naizela, eta azkenian gogaittu. Antxiñan ohittuta gajenguazen disko edo k7 bat 1000 bidar entzutzen, baiña gaur egunian, eten bako streamingekin, tolerantzixia asko bajatu jakuk. Neuri behintzat bai.
Horregaittik laga najetsan EITB Irratia entzutziari, esate baterako. Orokorrian ondo jagok: musika bariaua, euskalduna eta bestia, eta zati baterako bale. Baiña X denporan behiñ, errepikapenak jagozak: batez be, irratiformula estiluan, Y artistian Z kantuari promoziñua egitten jetsek, lokuziño grabauak be errepikauaz gaiñera, eta hori ez. Horregaittik laga najetsan entzutziari.
Horren aldian, Alexa honek bariedade gehixago eskintzen jestan... ustez. Izan be, honekin be, azkenian, begibistakua dok eduki patrozinauak dagozela. Etxakixat ze tratu ekonomiko klase egongo dan atzetik, baiña, esate baterako, bardin da ze musika klase eskatzen detsaten, amaieran beti Roy Orbison agertzen dok. Eta, ba, lehendik bildots degollauan abots hori gitxi gustatzen bajatan, ba imajinau zeinkie oiñ. Thin Lizzy eskatu? Hasiko da, baiña 20garren kantuan... Roy. Peter, Paul and Mary? 10garren kantuan. Carmen McRae? 30garrenian. Booker T and the MG's? 25garrenian.
Oin La Banda Trapera del Rio eskatu jetsat. Baietz N-garrenian agertu...?
Alexa honek ez jok asko iraungo gure etxian. Edo irratira pasauko nauk...
