Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Garagoittiko Orakulua / Ames bat

Ames bat

Oier Gorosabel 2011/07/28 23:30
Aurreko baten espiritismo saio baten partehartu neban. Zirraragarrixa izan zan: antxiñako gizon baten arimia ekarri genduan gaur eguneko Lekeittiora, mesa-camilla baten gaiñian egindako nigromantziei esker.
Ames bat

Mirandaola. Argazkia: Josu Altzelai

 

 

Hona haren lekukotasunan pasarte batzu:

 Antxiñatik etorrittako gizona naiz. Gizaburuko olagizona. Eta ez dakitt zer izan dan, Amotoko Marin lo-bedarra edo, bidai astrala edo, kontua da Lea errixotik behera ekarri nabela Lekeittioraiñok. Baiña zihero aldatuta ikusten dot dana; mahasti guztiak etxez beteta, gaztelu-moroko torre altuak... Hondarzabal atzekaldian horma haundixa be egin dabe, lehen lumerak zeguazen lekuan... hondarrian bertan ez da enbarkaziñorik ikusten, eta bai ostera dozena bat kaja hori eta orlegi, eta egurrezko bidia, eta ura darixen burdiñezko hagak... Horri begira nenguala susto demasa hartu dot gaiñera, eze, bapatian Jangoiko-moroko baten abosa entzun dot, nundik zeorren ez dot jakin behintzat: ez-dakitt-zelako tenperaturia dagola-ta, uran egoeria ba-dakitt-zelakua dala-ta... Tira, sustua pasauta begira segidu dot eta haria be lekuz aldatuta somatu dot, nere denporan eregittako Lazunarriko malekoian eragiña seguru... igual horretxeittik zabaldu dabe portua... Halan be, bertan ez dot ganorazko naorik ikusi, bai ostera dozenaka enbarkaziño txiki, kinttale bat arrain hartzeko be balixo ez dabenak...

 Etorkizuneko jente hau harrigarrixa da: hondarra etzindako jentez beteta ikusi dot ¿gaisorik ete dagoz? Euzkixak gogor jotzen dau baiña halan be danak erdi billotsik ¿tuberkulosisa osazeko edo? Jentian berbeta arraro honetatik aittu doten apurrak be ez desta asko argittu: euzkixa gura ei dau jentiak, eta horregaittik etzintzen da hortxe; baiña era berian ez ei dau euzkixan eragiñik jaso gura, eta ukendu lodixekin tapatzen dau azala ¿burutik eginda dagoz ala? ¿zergaittik ez dagoz orduan arbolapian?

 Halan be, gehixen harrittu nabena Norteko nasan ikusi dotena da, tinglau gaiñian. Ez dakitt ba, sasoi honetako ikuskizun erlijiosua ez dan izango. Andamixo baten gaiñian, gizon bat dago bailarina jantzitta, velocipedo baten gaiñian, itxasora begira. Parian, berrogetamar bat lagun berari begira; bardintsu jantzitta, baiña lurrian. Ofiziatzailliak bestiei orruka dihardu, aginduak emoten, eta hau be Jangoiko-morokua izango da eze, ni herrixan bese puntan egon arren ederto entzutzen dot harek diñuana. Azpikuak behinzat errespeto haundixa detse: harek esandakua egitten dabe, sufrimendu arpegiz baiña gogo onez; seguramente erlijiño barri honetako pekatarixak izango dira penitentzixan. Gaiñera batek dakitt ze kolpe emoten detsezen, azpittik entzutzen dirazen dunbada demasangaittik diñot; maillu-junguria emoten dau, dunba-dunba-dunba-dunba... olan andaparako ur jarixuari amaiñ emoten detsagunian lez.

 Hau esanda, espiritismo gelan haize korrientia sartu zan, mesa-camillako zamaua dantzan jarri eta kandelak emetau zittuana, eta alarau haundixa entzun zan, antxiñako gizonan boza Kabauko haizuluan behera galdu zalarik.

 

http://4.bp.blogspot.com/_jaUgz0UdSOE/Sh5nG1mEpyI/AAAAAAAABjg/78FzOsC02SM/s320/Maraton+de+spinning+2.jpg

etiketak:
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Oier Gorosabel Larrañaga, Lekeittioko Eibartar bat

 

Eibarrespaziuan zihar esan zesten pizkat mesianikua nintzala idaztian, eta bloga sortzerako orduan horregaittik ipiñi netsan izenburu hau. Lehen nere gauza guztiak (argitaratzeko morokuak, behintzat) hamen idazten banittuan be, espeleologixiari buruzko gauza guztiak ADES-en webgunian emoten dittudaz, eta osasun asuntoko artikulu guztiak hona mobidu dittudaz, gaika klasifikauta.

Txorrotxioak
Etiketak
ETB1 EibarOrg Info7 Zer erantzi abertzale abittaga abortuak aitor_eguren aittitta raduga aldatze amarauna andoain antzerkia araba arantzazu aranzadi ardantza argentina_2005 armando gorosabel arrajola arrakala arrantza literarixuak arrate arrosa artxanda aulestia axpe_martzana azkue ipuin bilduma azpimarra banu_qasi baxenafarroa baztan belaunologia berasueta berbologia berriatua bidai_aluzinantia bilbao bittorixa buruntza comunitat_valenciana culineitor deba desempolving diaspora diego-rivera egillor eibar eibarko_lagunak ekialdeko nafarrera eraikinologia erdialdekoa erresuma_batua erronkari espeleologia etxebarria eup euskadi_irratia euskal_erria_aldizkaria euskalkia faktoria felix_arrieta galicia ganbara gasteiz gatobazka gce gernika girua gorosabel hormasprayko igotz_ziarreta ikerkuntza indalecio ojanguren info7 irabiaketa irratia irun iruñea izarraitz iñigo_aranbarri jacinto_olabe jamo_savoi juan san martin julen_gabiria kalamua kanposantuak katarain kirola koska kuku kurik-3 kurosawel labordeta lagunologia lalolalia lamaiko_operia lasarte leintz_gatzaga lekeitio lekeitioko_lagunak lituenigo lopez maeztu magia manex_agirre maputxe markina-xemein markues matrallako mendaro mendebalekoa mezo_bigarrena mineralak musikeruak muskildi mutriku nafar_lapurtera nafarrera noain oiartzun oioioi-lur ondarroa opaybo orakulua otsagabia ozeta paisajiak parakaidistiarenak paris patxi_gallego polo_garat sagartegieta san antoni sartei sasiola sega segura slovakia tafalla2016 talaiatik telebista toribio_etxebarria umeologia urberuaga urkiola xabier_lete xoxote zaharrea zaharreologia zaragoza zer erantzi zerain zornotza zuberera zuberoa
hgikj
2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019