Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Garagoittiko Orakulua / egunon Bizkaia

egunon Bizkaia

orakulua 2004/09/28 21:02

Ondarroa, Kafe Marina, 2004ko Irailak 24ko goizeko 07.23etan.

(G)arraio publikuetan ibiltziak hori jaukak: denporia, transiziño denporia daukak bisa heltzen danetik hurrengo hitzordurarte. Kasu honetan busak 7.00etan laga nau eta 8.00etan biharrera sartzen naizenez, ordubete jaukat lasai ederrian armosatu eta periodikua irakortzeko... periodikorik izango baneu. Orain esplikatuko juat zergaittik ez.

"Berriz etorriko zera, Ondarruko kaiera...." Argoitia anai arreba lokalen kantua Bizkaia Irratittik bajubaju entzutzen dan honetan, Kafe Marinan oraindiok ez dittuk heldu Gara eta Berria. Kontizu, panfleto terroristak danak tren berdiñian jatozak, Auschwitzera zuzenian zoien harek trenok moruan. Beste periodiko guztiak bai, harek ba jagozak.

  1. 00etatik 7.20ak arte momentu limbiko xarmangarrixa gertatzen dok leku honetan. 6-7 bezero egoten dira hamen, beti bardiñak eta beti gauza bardiñak egitten. Noski, El Diario Español eta Deia okupatuta egoten dittuk beti, eta nik erosiko ez dittudanez... ba hor egoten nauk, jentiari begira.

Ez pentsatu giro oso atsegiña danik, estrainekotz datorren batendako behintzat. Isiltasuna sepulkrala da (radixuarena ez da soinua, urriñeko berbarua baino), taberneriak begiratu barik etaratzen jok eskatu ez duana (aurreko egunetik gogoratzen dalako; hau ez jata bape gustatzen ¿gaur ezin juat beste gauza bat nahi ala? baina grazixia egitten jeztak eta ez juat ezer esaten, liturgixa xelebre hau ez apurtzeko). Eta gainera, periodikorik ez irakortzeko.

Halaxe da ta: ordu horretako limbo hori hogei bat minutu irauten jittuk. Tartian, 3 minututeik behin jentia sartzen dok periodikua erostera (Kafe marina kioskua dok bebai) eta beti pertsona bardiñak dittuk, periodiko bardiñak erosten noski. Oin: momentu horretatik aurrera 30 segundutik behin hasten dok jentia sartzen, berbaruaren bolumena hazten hasten da eta batzuk zarataka, eta bolumen normalian berbetan, eta... ondarrutar tipikua esnatzen dalarik eguardiko girua nagusitzen da. Eta orain, 7.40ak dirala tabernan sartu naizeneko giro hartatik ez da apurrik geratzen; Argoitiatarren diskua akaso, baina bolumena ondo jasota bestela hamen dagoan durundixakin ez zuan ezer adittuko.

¡Egunon Bizkaia! Eguna hasi da.

etiketak:
Latxanbre
Latxanbre dio:
2004/10/17 13:56

Ondarruko leku esanguratsuenetarikoa jarri duzu argazkian, bai horixe: Kafe Marina mitikoko kalekantoia. Artabide kalearen hasiera ezkerrean, Alameda eskuman, herriaren bihotza (xelebrea da izena, batik bat "alamo" batik ez dagoela kontutan hartuta, zuhaitz guztiak dira platano faltsuak... izen ofiziala, Nafarroako Zugaztia). Tintoreria zaharra eskaileren ondoan eta garai bateko Ongi Etorri taberna-dantzalekua, orain itxia, hurrengo lekuan. Harutzago, beste kantoian, Gaztedi taberna. Kafe Marinak badu berezitik zerbait ondarrutar askorentzat... gosaltzeko toki aproposa da, zuk aipatzen dituzun ordu txikietan eta, batez ere, bixkat beranduago; ondo lo egin, egunkaria erosi (badakit ondo egunkari dogdy-ak berandu xamar heltzen direla ta hispanofiloak eta Deia bizkaitarra askoz azkarrago), kafesnea eskatu eta periodikuaren orrialdeetan galdu... Egunon-egunon errituari aurre egin, gustora gainera, ta beranduago tortila pintxo inkreible horietako bat jan ostean, hondartzatik buelta bat ematea da egin dezakezun gauzarik ederrena (ia derrigorrezkoa herrian horrenbeste dauden txakurren baten jabea bazara), berdin dio eguraldi kaxkarra bada ere. Domeka goiza bada normalean herritik ikusten ez dituzunak ikusteko parada izango duzu, dela Kirmen paseoan Gasteiztik etorri berri edo Ana umearekin berbetan Donostia tarte batez atzean lagata. Kalatraba zubia edo "plaiko zubixe" erabili dezakezu Arrigorri hondartzara joateko... eskumara begiratzen baduzu, goian, Lertxundiren eskulturak ikusiko dituzu eta hondartza atzean laga ostean ("plaiko morrure" jo ez baduzu bederen), Harbidetik Saturrango hondartzara joan zaitezke, begi bat olatuetan duzula ta bestea zure txakur txotxoloan, pertsonekin jatorra bada ere beste kanidoekin kanalla xamarra baita. Zer esan Saturrani buruz? Luzea ta estua, Ezkilantxarri inponentea ezkerreko aldean, Galdona gainean eta Zazpi Hondartzak atzean (gurean, bizitza guztian, "sieteplaiasak")... hor egin zen, lehen hondartzan, Dina Bilbaoren omenaldiaren lehen zatia (bigarrena Akilla puntan egin zen ta han dago Kromletx xume baina hunkigarria). Saturran administratiboki Mutriku da eta beraz, Gipuzkoa... baina nire lagun batek esaten duen bezala: neroni Ondarrutik errenka eta Mutrikuko atleta azkarrena korrika habiatuz bakoitza bere herritik, lehena heltzen denarentzat hondartza! :-) Enfin, urrutitxo joan naiz Kafe Marinatik. Segi horretan, Orakulo.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Oier Gorosabel Larrañaga, Lekeittioko Eibartar bat

 

Eibarrespaziuan zihar esan zesten pizkat mesianikua nintzala idaztian, eta bloga sortzerako orduan horregaittik ipiñi netsan izenburu hau. Lehen nere gauza guztiak (argitaratzeko morokuak, behintzat) hamen idazten banittuan be, espeleologixiari buruzko gauza guztiak ADES-en webgunian emoten dittudaz, eta osasun asuntoko artikulu guztiak hona mobidu dittudaz, gaika klasifikauta.

Txorrotxioak
Etiketak
ETB1 EibarOrg Info7 Zer erantzi abertzale abittaga abortuak aitor_eguren aittitta raduga aldatze amarauna andoain antzerkia araba arantzazu aranzadi ardantza argentina_2005 armando gorosabel arrajola arrakala arrantza literarixuak arrate arrosa artxanda aulestia axpe_martzana azkue ipuin bilduma azpimarra banu_qasi baxenafarroa baztan belaunologia berasueta berbologia berriatua bidai_aluzinantia bilbao bittorixa buruntza comunitat_valenciana culineitor deba desempolving diaspora diego-rivera egillor eibar eibarko_lagunak ekialdeko nafarrera eraikinologia erdialdekoa erresuma_batua erronkari espeleologia etxebarria eup euskadi_irratia euskal_erria_aldizkaria euskalkia faktoria felix_arrieta galicia ganbara gasteiz gatobazka gce gernika girua gorosabel hormasprayko igotz_ziarreta ikerkuntza indalecio ojanguren info7 irabiaketa irratia irun iruñea izarraitz iñigo_aranbarri jacinto_olabe jamo_savoi juan san martin julen_gabiria kalamua kanposantuak katarain kirola koska kuku kurik-3 kurosawel labordeta lagunologia lalolalia lamaiko_operia lasarte leintz_gatzaga lekeitio lekeitioko_lagunak lituenigo lopez maeztu magia manex_agirre maputxe markina-xemein markues matrallako mendaro mendebalekoa mezo_bigarrena mineralak musikeruak muskildi mutriku nafar_lapurtera nafarrera noain oiartzun oioioi-lur ondarroa opaybo orakulua otsagabia ozeta paisajiak parakaidistiarenak paris patxi_gallego polo_garat sagartegieta san antoni sartei sasiola sega segura slovakia tafalla2016 talaiatik telebista toribio_etxebarria umeologia urberuaga urkiola xabier_lete xoxote zaharrea zaharreologia zaragoza zer erantzi zerain zornotza zuberera zuberoa
hgikj
2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019