Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Garagoittiko Orakulua / Bizitziaren zentzu "luddikoa".

Bizitziaren zentzu "luddikoa".

orakulua 2004/09/23 16:10

Egun hauetan lan kontuengaittik alokatutako furgoneta batekin ibilli nauk hara eta hona, nahikua "alokatuta" ni be. Eta sentsaziño zaharrak dastatu jittuadaz, atsegiñak eta desatsegiñak denpora berian. Bilboko supermerkatuetan, errepide zoruetan, estreñidu arpegiko jente artian, apal artian mobitzen diharduan txindurri marabuntan. Eta itto egin nauk, hitzorduetara heldu ez, kafeak hartu eta hartu eta neke jasaneziñari gaiña hartu, kamiñu baztarrera ez jausteko... desatsegiña beraz, baina irribarre batez hartu dotena ("¿holan bizi nintzuan ni lehen? Enneeeee... ¡hau ez dok bizitzia barren!"). Egun guztian orain egiten dittudazenak baino 4 edo 5 bidar gauza gehixago egitten nittuan, bai, baina... ¿zer irabazi?

Orain ez dok inork erabiltzen argumentu hori, baina sasoi baten, desarrollismoko errelijiñua nagusittu aurretik, hauxe izaten zuan eszeptikuei konbentzitzeko argumentua: "¡denpora gitxiagotan egingo dozuz gauza bardiñak, eta beraz ez zara hainbeste nekatuko!". Eta gainera holgetan ibiltzeko denporia irabazi. Baina danok dakusagu zertan geratzen dan hori, bizitza errealean. Lehen egun batian egiten hebazenak egun erdixan egitten badittuk, ez haiz ez arratsaldian holgetan egongo: bixar egitteko henkazenak egingo dittuk; eta bixar etzikuak eta etzidamukuak, eta etzi... halako batian hilzorixan topatuko haiz eta "¿zertarako irabazi juat hainbeste denpora? bizitza guztixan arnasia hartzeko denporarik be ez juat hartu barren!".

Bai, etxeko andriak eta basarrittarrak ba jakixek: beti jagok zeregiña. Ez dok merezi beraz ezin jasateko erritmo baten aritziak, kollara batekin itsasua hustu nahixan ibiltzia moruan dok eta. Kanpotik begira dagoen batendako bardiña izan arren, ikuspuntu edo jarkeran egon lajeikek kakua: inuzente baten helburua itsasua legortzia izango dok, baina jakittun batena hartutako ur kollarakadak disfrutatzia.

Esango dezta inork: "Esaten duana ba jakixat nik. ¡Beti habil tehenta bardiñakaz!". Bai, baina beti akats bardiñak errepikatzen diralako.

Dana dala, gogoeta hauek neskalagunarekin konpartitzen nenbillela, berak: "Bai, baina kotxerik ez baneu izango, zu ta ni aspaldi bukatuta izango genduan harremana". Isilik geratu nintzan minuto batzu, eta... "Hori be egixa da ba".

etiketak:
Patxi
Patxi dio:
2004/09/25 18:11

Zuberoako barne bidaiko mezua irakurri, erantzun bat idatzi... ta ez dago ba "closed"!

Idatzita dagoen ezkero, hemen uzten det, ez dalako kontua alperrik galtzea, lana hartu eta gero!

"Oso gustora irakurri det zure odisea. Zergaitik? Ba nik 18 urte nituenean egin nuena gogorarazi didalako. Hiru egun iparraldean, nere bizikletaz, euskaldunak bilatzen, topikoak nola erortzen ziren ikusten, asko nekatzen, Diogenesen modura edozein kale iskinetan lo egiten (zakuaren barruan, hori bai)... eta bakardaderik haundienean. Badakizu zer gogoratzen dedan gehien nere bidaiatxo hartaz? Ondo ulertuko didazu. Muga pasa nuenean neukan izugarrizko antsia, norbaitekin hitz egitekoa! Ezagun bat topatu nuen trenean, eta izugarrizko txapada sartu nion, ordubetekoa! Trena puskatu eta erdibidean geratu balitz, gaixo harek leihotik salto egingo zuen, ni ez aguantatzeagatik, jajajaja! Zurearen antzeko ordu t'erdia bizi izan nuen nik Orreagan, oraindik ondo gogoan daukat..."

Pako
Pako dio:
2004/10/17 13:34

Ikaragarri ari naiz zure blog-a irakurriz, disfrutatzen. Ez dakit dena irakurri dudan ta dena ondo ulertu dudan baina neskalaguna beste herri batekoa izan (nire kasuan, beti) ta gidabaimenik ez izatearen komeriak ondo baino hobeto ezagutzen ditut... Euskal Herri osoko tren-ordutegi, autobus-geltoki eta dedo egiteko toki onenak (eta txarrenak) ondo ezagutzen ditut. Baina, bat nator hor erantzunen bat jarri dizunarekin, distantziak akaso harreman bat baldintzatu badezake ere, zaila da erabakiorra izatea... hainbat zorakeria egindakoa naiz gurako neskarekin egoteko, ordu gutxi batzuk sikiera-be! Ondo segi.

Patxi
Patxi dio:
2004/09/23 21:47

Ez nago ados zure neskalagunarekin. Nere aitona Franciscok 50 kilometro egiten zituen bizikletaz, amona Luisarekin egoteko. Bizikleta saio hoien etekina naiz ni (eta beste mordo bat). Egin ezazu zure neskalagunarenganako bidea bizikletaz egun batean, iritsi izerdi patsetan, kristoren CO2 usaiarekin, eta emaiozu muxu bat. Eztakizu ze erromantikoa! Nere uste apalean, kontua ez da gauza gutxi ala asko egiten diren. Baizik eta ordutegia errespetatu behar izatea. Erlojua da etsaia. Gauza asko egin daitezke, baina lasai lasai ibili... toki guztietara berandu iritsita,noski.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Oier Gorosabel Larrañaga, Lekeittioko Eibartar bat

 

Eibarrespaziuan zihar esan zesten pizkat mesianikua nintzala idaztian, eta bloga sortzerako orduan horregaittik ipiñi netsan izenburu hau. Lehen nere gauza guztiak (argitaratzeko morokuak, behintzat) hamen idazten banittuan be, espeleologixiari buruzko gauza guztiak ADES-en webgunian emoten dittudaz, eta osasun asuntoko artikulu guztiak hona mobidu dittudaz, gaika klasifikauta.

Txorrotxioak
Etiketak
ETB1 EibarOrg Info7 Zer erantzi abertzale abittaga abortuak aitor_eguren aittitta raduga aldatze amarauna andoain antzerkia araba arantzazu aranzadi ardantza argentina_2005 armando gorosabel arrajola arrakala arrantza literarixuak arrate arrosa artxanda aulestia axpe_martzana azkue ipuin bilduma azpimarra banu_qasi baxenafarroa baztan belaunologia berasueta berbologia berriatua bidai_aluzinantia bilbao bittorixa buruntza comunitat_valenciana culineitor deba desempolving diaspora diego-rivera egillor eibar eibarko_lagunak ekialdeko nafarrera eraikinologia erdialdekoa erresuma_batua erronkari espeleologia etxebarria eup euskadi_irratia euskal_erria_aldizkaria euskalkia faktoria felix_arrieta galicia ganbara gasteiz gatobazka gce gernika girua gorosabel hormasprayko igotz_ziarreta ikerkuntza indalecio ojanguren info7 irabiaketa irratia irun iruñea izarraitz iñigo_aranbarri jacinto_olabe jamo_savoi juan san martin julen_gabiria kalamua kanposantuak katarain kirola koska kuku kurik-3 kurosawel labordeta lagunologia lalolalia lamaiko_operia lasarte leintz_gatzaga lekeitio lekeitioko_lagunak lituenigo lopez maeztu magia manex_agirre maputxe markina-xemein markues matrallako mendaro mendebalekoa mezo_bigarrena mineralak musikeruak muskildi mutriku nafar_lapurtera nafarrera noain oiartzun oioioi-lur ondarroa opaybo orakulua otsagabia ozeta paisajiak parakaidistiarenak paris patxi_gallego polo_garat sagartegieta san antoni sartei sasiola sega segura slovakia tafalla2016 talaiatik telebista toribio_etxebarria umeologia urberuaga urkiola xabier_lete xoxote zaharrea zaharreologia zaragoza zer erantzi zerain zornotza zuberera zuberoa
hgikj
2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019