Eibarko azken adokinatua?
Bistan dago Isasiko ogitegiko kale edo pasabideko etxieri oso denpora gitxi geratzen jakela.Oin momentuan eskumako etxe illara guztian iñor ez dala bizi dirudi, konstruktora baten propagandia dago balkoietan eta atzekaldian (Ego Gain) dana jausi biharrian dago. Ez dira etxe aberatsak, ez dauke armarri ikusgarririk (edo bai, kontuan hartuta Eibarko edozein harri labrau pitxi bat dala, hain dira gitxi etxe edo kale zaharrak) baina ba dauka kale horrek rkitektonikoki estimagarrixak dirazen gauzak.
Adibidez, adokiñak; pensatzen jarritta, ni ez dot gogoratzen Eibarren beste kale adokiñaurik, eta nere eritxiz hau gordetzeko moduko gauzia da.
Ez dakitt plan urbanistikuetan ze ikusten dan Isasixan beheko parte honendako. Ez neuke txarto pentsau nahi, baiña Eibarko ondariakin Udalak historikoki izan daben jarrera ardurabakuakin (Untzagako torria, Indianokua, Alfako ofiziñak, Musataixa, Urkiko kurutzia...) ez dirudi esperantza haundirik izan bihako gendukenik. Usteze ondariakingo sentsibilidadia ipurdiko zuluan daukagula.
Itxaropenik? Nik neuk hutsa. Bueno, hutsa baino gitxiago badago ezer? Ba horixe. Basarrixak, kurutziak, eraikuntzak, gargolak, errotak, zubixak eta ostianguak pikutara bota badittue, zelan arduratuko dira lurrian daren harri zikin batzuengaittik?
Hori bai, seguru Diario Vascon agertzen dala "que el ayuntamiento de Eibar cuidará con esmero los adoquines de Isasi". Gero pikutara, jakina, baina periodikuan anunziau, gargolekin edo Eltzartzako zubixakin ein daben moduan.
Eta beste adokinau bat be geratzen dok Eibarren: aldapatxo. Baina lasai, hori be laster kentzekotan dagozak, labana dok eta.