Espeleologia urbanua eta ostatu merkiak
Argazkiak.org | Ostatu hori © cc-by-sa: txikillana
La Serna.
Atzo aristokrazian, gaur txusman. Fuenlabradatik Atotxarako bidian, betiko kurrelak; estolderixak prestatzen deskuan txindurri baltzen saldua goizago ibilli dok. Behiñ eta barriro ikusten juat, eta bakotxian harrittu: jentian abixaria eta ugarittasuna. Atzo, neska gazte bat –bertokua- estaziñuan jente artian negarrez, eta mobillari orruka: “Te he dicho que me dejes en paz....”.
(...)
Ah, Iban Zaldua Alua. Hire liburuan hirugarrengo kapitulua irakortzen (Lopez Belausteguieta detektibian androide laguntzailliak, haren inpulso libidozaliei eusteko, Koldo Mitxelena mahaspasian itxuria hartzen dabenekua) Atotxako geltokixa pasau eta Alutxeko puntaraiñok juan nok. Daños y perjuicios eskatuko deuadaz. Bueno, egon: azkenian ez dok negozio txarra-ta. Periferiako auzoraiñok juanda, metrua erdi hutsik joiak eta jarrilekua errez topau juat; nekez jarriko nintzuan iñun be, berez tokatzen jatan konbinazikua hartu ezkeriok...
Chueca aldian
Ba joiazak neuronak kargatzen. Gogoz hartu juagu danok klasian amaieria, eta gogo dobliaz ostatuko dutxia (azken hau nik bakarrik). Etxian etxakagu halako presiñorik eta berorik, eta aprrrrrrrroooooobetxau bihar. Irakitzen egon nok urpian, luuuuze; eta kanpuan iñor bazeguan, seguru pentsauko juan lizunkerixetan nenbixala, hainbeste “ooooohhhhh” eta “aaaaahhhh”. Amaitzeko, dutxa hotzak zeruetara eruan nok; halan be, etxuat korputz osokua hartu: gerrittik behera, beso-sorbaldak eta arpegixa bakarrik; Segoviako edo batek daki nungo edurretako ura dok Madrillekua –erateko oso ona, bide batez esanda- eta igartzen da, orraittiok.
Klasetik hona, ezagutzen ez neban ostatu honetara heldu gaittuk; pegora zoragarrixa, antxiñakua –ostatu zahar eta sordido bat irudikatzen zestana- baiña gero ate zaharretatik sartu eta dana barri-barrixa. Tira: pertsonalidade bape barik, baiña kokuekin arduratu biharrik etxagok hamen. Komuna be, halakua: hain kurioso eze, ule korapillotsu karakteristiko hórrek be biltzen ibilli biharra dagon, gelakidian aurrian lotsagarri ez geratzeko. Eta internet akzesuakin.
