Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Bidean . . . / Marka zuriak

Marka zuriak

Mikel Lizarralde 2009/05/28 10:02

Marketineko pertsona izanda, maite ditut markak, maite dut zentzumenaz haratago joan nahi duten marka horien ahalegina. Maite eta miresten dut trademark izatetik lovemark bilakatzeko bidea. Maite ditut BMW eta bere komunikazioa, Apple-en Mac ordenagailuak eta Ipod-ak, Nespressoa, Adidas-en zapatila klasikoak, Brompton bizikletak eta abar. Marka horiek moda izatera pasa dira. Bezeroak pixkat gehiago ordaintzeko prest zeuden marka horiek lortzeko.

Baina halako batean, krisia iritsi zen eta horrenbeste miresten genituen markek komunikazio defentsiboa egiteari ekin zioten. "Danonek ez du beste markentzako ekoizten". Mercadona supermerkatu kateak ateak itxi zizkien 900 produktu ingururi, bere marka zuria bultzatzeko, nahiz eta ofizialki "bezeroari dirua aurrezteko" egin zuten. Bezero asko eta asko prezioan gehiago arreta gehiago jartzen hasi dira. Badirudi markak eta marketina krisian sartu direla.

Mercadonaren apustu arriskutsuak hainbat ondorio izan ditu. Ikerketa baten arabera, kontsumitzaileen %55 minduta agertzen da enpresak hartu duen neurria dela eta. Hala ere, Mercadonak bere merkatu-kuota %6 hazi du eta fakturazioa mantendu. Erabaki honek eta hainbat marka egiten ari den komunikazioak argi uzten du banaketa enpresa handiek botere itzela bereganatu dutela azken urteetan, beren esku dago zein produktu saldu eta zein ez, zein bultzatu eta zein bazterrean laga.

Argi geratzen da ere marka zuriko produktuen arrakasta handitzen ari dela, kontsumitzaileak egoki ikusten duela hauen prezio-kalitate erlazioa. Marketinak eta markek erronka handia dute aurrean: kontsumitzaileek benetan sinestu behar dute marka horiek badutela zerbait berezia eta berezitasun horren trukean ordaintzen den prezioa bidezkoa dela. Nola egin? produktuan eta komunikazioan inbertituz. Produktua izan dadila benetan interesgarria eta kalitatezkoa, eta bezeroak ikus eta balora dezala alde hori.

etiketak:
Markoni
Markoni dio:
2009/05/28 18:07

. Pamplonica txorizo fabrika itxi egin zen, eta bere jabetzen artean marka bera zegoen, saldu zuten, eta orain ere Pamplonica txorizoak saltzen dira, baina ez dauka zerikusirik ez lehengo egileekin ez Iruñeakin ez ezer. . . Orain dela gutxi Gorbeia Zentro komertzialean bost-sei denda itxi zituzten, bost-sei diferente. Orduantxe jakin nuen bost-sei horiek benetan bat zirela, denak ziren Zara-ren markak, dendarik denda enpresa diferenteak direlakoan zabiltza baina ez, dena da bat, enpresa bakarra. . . Gaur egun markak ez du ezer esan nahi. Ezer, askotan gezurra besterik ez.

Mikel
Mikel dio:
2009/06/01 18:51

Antton-txu,

A donde vas manzanas traigo, horixe pentsatu dut zure erantzuna irakurri ostean ;-)

Korbatena ez dakit nondik atera duzun, baina topiko biltegiren batetik ekarria dirudi. Ados nago korbaten inguruan duzun iritziarekin, baina hori hemen aipatzea ikuspegi laburrekoa iruditzen zait. Marketin eta marka-sorkuntza, salmenta zati txiki bat besterik ez da.

Gainera, nola doaz jantzita Ikeako saltzaileak, supermerkatuetakoak, gasolinategietakoak, ONCEkoak, etab. Horiek ez dute insistitzen?

Bukatzeko, berriz diot, zuretzako markek ezer ez esateak ez du esan nahi milioika pertsonei ere ezer ez esateak. Edo zer pentsatzen duzu Ikeaz? zer pentsatzen duzu Eroskitaz edota Lidl-etaz? Antton, markak gure artean daude, eta jendeak buruan dauzka. Zuk agian nahiago duzu Eroskiren oliba olioa, baina jende askok nahiago du Carbonell erosi, zergatik? marka.

Arratsalde on ;-)

Markoni (Antton)
Markoni (Antton) dio:
2009/06/01 18:13
  • Pamplonicak marka saldu bazuen... marka horrek balioa izango zuen, ez? Beste enpresa batek pentsatu zuen marka hori erabiltzen produktuak saltzeko gai izango zela (eta dirua egiteko), nahiz eta jada ez ekoitzi Iruñean.

. . Balio ekonomikoa bai, baina ez informazio balioa: marka horren atzean zegoena saldu aurretik eta saldu eta gero diferenteak direlako.

  • Eta zuretzako markek gezurra besterik ez badute esaten... ba zer esango dizut ba! Orduan, zenbait enpresen komunikazioak ez du zurekin funtzionatu, besterik ez.

. . Markek balio ekonomikoa dutela, bezeroak marka horiek balore batzuekin lotzen dituztelako, uste bat dagoelako izen horren atzean. Baina, marka horien atzean dagoena zeharo aldagarria denez benetan bere balore informatiboa oso eskasa da. Erosteko orduan berez, niretzat, oso balore erlatiboa dauka.

  • Zuretzako komunikazioan esaten dena gezurra izateak ez du esan nahi jende guztiarentzako horrela denik.

. . Jakina. Arlo batzutan trajez eta korbataz lan egiten da, horrekin bezeroari serietatea, konfiantza... saldu gura diote. Eta bezero batzuk bai sinisten dute halako estetika-esangura horretan, horregatik erabiltzen da. Baina nik garbi daukat bat trajeduna izateagatik ez da ez trajebakoa baino serioagoa, ez prestatuagoa ez ezer, bakarrik esan nahi du saldu nahi duela. Ezagutu ditut inutilak bere lana trajez egiten. Batzuentzako serietatea esan gura izango du, baina ni atzera botatzen nau, argitxo bat pixten zait: "honek neri zeozer saldu gura dit, saltzaile profesional bat da, eta beharbada ez dio asko ardura nola saltzen duen".

Ondo lo egin.

Mikel
Mikel dio:
2009/05/28 18:43

Imanol (Markoni), ez dakit ondo ulertzen dudan diozuna:

  • Pamplonicak marka saldu bazuen... marka horrek balioa izango zuen, ez? Beste enpresa batek pentsatu zuen marka hori erabiltzen produktuak saltzeko gai izango zela (eta dirua egiteko), nahiz eta jada ez ekoitzi Iruñean.
  • Bost-sei denda horiek Inditex enpresarenak dira. Zara Inditex-en marka bat da, beste batzuen artean. Zarak produktu jakin batzuk saltzen ditu, posizionamendu konkretu batekin, Zara markak ideia batzuk transmititzen ditu eta helburu-publiko jakin bat du; beste marka batek, beste produktu batzuk salduko ditu, beste posizionamendu batekin eta beste helburu-publiko batentzat. Azkenean, guztiak Inditex-enak izango dira, baina bakoitza marka bat da. Honen beste adibide bat: Procter&Gamble;, ez da oso enpresa ezaguna, baina arrakasta handiko produktuak/markak ditu, Fairy, Ariel, Oral B, Pantene, etab.
  • Eta zuretzako markek gezurra besterik ez badute esaten... ba zer esango dizut ba! Orduan, zenbait enpresen komunikazioak ez du zurekin funtzionatu, besterik ez.

Galdera bat: Volvo kotxe segurua dela uste al duzu? gainerakoak baino gehiago? Danoneren Actimel produktua ona iruditzen al zaizu zure osasunarentzako? Fairyk beste guztiek baino hobeto garbitzen al ditu platerak?

Zuretzako komunikazioan esaten dena gezurra izateak ez du esan nahi jende guztiarentzako horrela denik. Neretzako Volvo ez da beste auto batzuk baino seguruagoa eta Actimel-ek ez dut uste nere osasuna hobetuko duenik, aldiz, uste dut Fairyk hobeto garbitzen duela uste du.

ramon
ramon dio:
2009/05/28 12:23

Bada esaldi bat gozez denari ez iezaiok filosofiaz berba egin, eman iezaiok ogia. Krisi aldi honetan bidali diguten mezu zehatz bat, espaiiniako erreinuan behintzat, gure ahalmenetik gora bizi izan garela (gutxienez 15%). Denetetik erosi eta ondo bizi izan gara, hori amaitzear bada ba jendeak hobeto begiratu beharko diogu dirua nola gaztatzen dugun, igertzen hasia da hori, eta eremu hauetan marka zuriak eta produkto merkeak errege bihur daitezke. Demanda eskaera sistemaren kontsekuentzia zuzena sotzak gastatzen direnekoak. Eta ez dadila listorenmat etorri eta koltza oliaren negozioa asmatu berriro. Opulentziaren gaixoak edo gaitzak omen ditugu, eta opulentzi garaiko pentsamoldeetan bizi gara, bainan hori amaitzen bada eta argi da mundu osoa ezin dela horrela bizi, ba moldeek ere berritu egin beharko dira, agian mikroekonomiara bueltatu beharko gara, eta guztiz beharreko gaiak bakarrik erosi.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Bidean...

Mikel Lizarralde naiz, 80an jaiotako eibartarra. Marketin lanak edo egiten ditut CodeSyntax enpresan. Hemen idazteaz gain beste CodeSyntax-en blogean eta Twitterren ere banabil txio-txioka.

Hemengo eduki guztiak CC-BY-NC-SA lizentzia dauka.

 

Nabigatu euskaraz