Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Bidean . . . / Konparaketak nazkagarriak dira

Konparaketak nazkagarriak dira

Mikel Lizarralde 2008/11/05 01:02

Agian ez dut asmatuko konparaketa egiterakoan, ezin direlako era absolutuan burutu, baina atrebituko naiz. Ez dakit nola, gaur Saski Baskoniaren (aka Tau Ceramica saskibaloi taldea) webgunean sartu naiz (kontuz, euskarazko atalak begiak, eta zerbait gehiago, mintzen ditu). Webgunea polita iruditu zait, hasera-haseratik hurrengo partiduko sarrerak saltzera enfokatua, eta informazio pilarekin. Baina arreta klubak egin nahi duen "Baskonia kirol hiria"-an jarri dut. Sartu webgunean eta irakurri zenbat gauza egin behar dituzten (kirol instalakuntzak, hainbat igerileku, tabernak, ileapaindegiak, ...).

Baskonia kirol hiria

Futbolean ohikoa da kirol hiriak entrenatzeko besterik ez egitea. Baskoniak ez dakit entrenatzeko ere erabiliko duen, baina ideia bikaina iruditu zait diru gehiago lortzeko. Zenbat futbol zelai daude Zubietan? Zenbat lirateke nahikoak Errealaren talde guztiak entrenatzeko?

Badakit kirol hiri hau egiteko Gasteizko udaletxearen eta Arabako aldundiaren laguntza izugarria jasoko zuela, baina ez zuen Errealak ere halakoa jaso Zubietan (eta beste hainbestetan)?.

Gainera, ekimen honi Boulevard merkatalgunean duten denda, bolera eta taberna gehitu behar zaio.

Jakin nahiko nuke klubaren diru iturrietan zer-nolako pisua duten horrelako ekimenek. Baina ziur hobe dela horrelako zerbait egiten ahalegintzea ezer ez egitea baino (Txinako dendak aipatu behar nituen baina ez nago umoreko).

Zorionak Josean Kerejeta, klubaren presidente lazkaotarrari, eta bere taldeari.

etiketak:
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Bidean...

Mikel Lizarralde naiz, 80an jaiotako eibartarra. Marketin lanak edo egiten ditut CodeSyntax enpresan. Hemen idazteaz gain beste CodeSyntax-en blogean eta Twitterren ere banabil txio-txioka.

Hemengo eduki guztiak CC-BY-NC-SA lizentzia dauka.

 

Nabigatu euskaraz