Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Bidean . . . / Bigarren saioa, Iruñea - El Pueyo de Jaca

Bigarren saioa, Iruñea - El Pueyo de Jaca

Mikel Lizarralde 2012/07/06 00:42
Luze jo du gaurkoak. Guztira ia 10 ordu abiatu naizenetik Panticosa alboko herrixka honetara iritsi arte.

Etapa luzea neukan arren patxadaz hasi dut eguna, motxila soseguz prestatu, gosaldu eta dena ondo gertatu dut. Iruñetik nola atera gutxi gora-behera banekien, baina azkar despistatu naiz. Mugikorrean begiratuta bide onari heldu diot, hori bai mendi-bide batean saltoka ibili ostean.

Agoitz alderantz hartu dut hasieran, eta ondoren Irunberrirantz. Hara iritsi arretik sekuako zaparrada bota dit. Eta ni Laosen izan nuen egun negargarri hartaz akordatzen hasi naiz. Goitik behera blai eginda eta flakiaren beldur. Liedenara azkar heldu naiz, eta gustura jan dut ogitartekoa.

Yesa nuen ondoren. Trafikoaren beldur nintzen. Eta azkar hartu dut lehen muturrekoa. Gurpila zulatu dut, edo haizea galtzen hasi da. Puztu eta beste ordubete ibilinaiz. Beste ordubetean Puente la reinara heldu naiz eta bazkari ederra egin dut.

Gurpila konpondu eta Jacara zeuden 20 kilometroei ekn diet. Trafiko ugari eta errepide eskaxa baina ondo egin dut baita handik Sabiñanigorakoa. Biescasen azken geldialdia egin dut, Portalet mendatearen hasiera zen eta indarrak neurtzeko aprobetxatu dut hango %10eko penditzean.

El Pueyora azkar heldu naiz. Guztira 176 kilometro atera zaizkit. Eta bihar Pirinioak. Hau gogoa! Bitartean, biba gu!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Bidean...

Mikel Lizarralde naiz, 80an jaiotako eibartarra. Marketin lanak edo egiten ditut CodeSyntax enpresan. Hemen idazteaz gain beste CodeSyntax-en blogean eta Twitterren ere banabil txio-txioka.

Hemengo eduki guztiak CC-BY-NC-SA lizentzia dauka.

 

Nabigatu euskaraz