Artikulu baten bizi-itxaropena
Zibermunduan daukadan blog horietako batean, estatistiketan kuxkuxean, gehien irakurri den artikuluak izan duen bizitza deigarria egin zait:
- Blog bateko artikulu baten eboluzioa
Martxoaren erdialdean idatzitakoa da. Haseran izan zituen hainbat irakurle, gero sarrera orritik irten zen (azken 10 artikuluak soilik ageri direlako) eta ez zuen ia irakurlerik izan. Gerora, idatzi eta hilabete eta erdira, berriz ere irakurria izatera pasa zen. Arrazoia? Batez ere Google-ek ondo indexatu izana eta bilaketa emaitzetan lehen lekuetan agertzea.
Lehen aldiz honen berri blogger famatu bati esker izan nuen, haren blogean berdintxu gertatzen baitzen. Artikulu batek irakurle gehiago ditu idatzi eta hilabete batzuetara momentuan baino. Argi dago SEO-ak bizi-itxaropen luzea ematen diela artikulu hauei. Sinisten ez baduzu, bilatu IKEA Google-en eta begiratu noiz idatzitakoa den emaitzetako hirugarrena.