Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Joana Albret / Mintegiari buruz

Mintegiari buruz

NOR GARA?

    • Bibliotekari talde bat gara. Donostian 1997ko Urrian, Euskal Herriko liburutegi, dokumentazio zentro eta mediateketan euskaraz aritzeko beharra eta eskubidea genuelako Mintegi hau sortzeko beharra sumatu genuen. Horretarako eskas zitzaizkigun legeak, arauak, tresnak guhaurrek eskatu eta bideratzea deliberatu genuen.
    • Harrezkero taldera Euskal Herri guztiko profesionalak bildu izan dira une batean edo bestean ugaritasuna handia izan delarik, bai lurraldearen ikuspegitik (zazpi lurraldetakoak) nola liburutegi motaren aldetik (herri liburutegiak, dokumentazio zentro, eskola, unibertsitate, e. a.).

 

ZER NAHI DUGU?

    • Euskararen erabilera normaltzea Euskal Herriko biblioteka eta dokumentazio zentroetan, maila guztietan baina bereziki katalogazioari dagokionez.

 

ZEINTZUK DIRA GURE EGINKIZUNAK?

    • Euskal Herriko bibliotekari eta dokumentalisten bilgune eta gogoetarako plataforma izan.
    • Euskararen egoera eta arazoei buruz informazioa jaso, aztertu, arazo nagusiak diagnostikatu eta soluzioa proposatu eta landu.
    • Bereziki katalogazioari buruzko arazo teknikoak aztertu eta soluzioak proposatu eta landu.
    • Herri aginteekin harremanak izan, elkar laguntza jator baten bitartez arazoak ezagutarazi eta proposamenak bideratzeko.
    • Gizarte mailan biblioteka eta dokumentazio zentroen ezagutza bultzatu, bereziki euskararekin lotutako arazoei dagokienez.

 

NORK HAR DEZAKE PARTE

    • Edozein bibliotekari edo dokumentalista, euskarak biblioteka eta dokumentazio zentroetan duen arazoekin interesatua dagoena.

 

PARTE HARTZEKO AUKERA DESBERDINAK

  • "Talde Aktiboa" deritzon posta-zerrendaren bidez : Bileretara etorri ezin duen mintegikideak ere mintegiko lanetan parte hartzeko aukera badu, hileroko bileretako partaideak talde aktiboan aurreratzen baitituzte eskuarteko gaiak. Benetako bilera zibernetikoak dira hauek. Parte hartzeko, jarri gurekin harremanetan: joana.albret@gmail.com

  • Liburuzain eta dokumentalista euskaldunen posta zerrenda publikoan, "Joana Albret" posta zerrendan, parte hartuaz: Euskal Herriko liburuzain eta dokumentaliston topagunea izan nahi duen posta-zerrenda da, zure iritziak eta galderak plazaratzeko eta besteek eginikoei erantzuteko gunea.
    -Mezuak irakurtzeko: http://groups.yahoo.com/group/joana-albret/messages
    -Mezuak bidaltzeko (izena eman dutenek): joana-albret@yahoogroups.com
    -Izena emateko, mezu hutsa, ezer idatzi gabe, hona: joana-albret-subscribe@yahoogroups.com
    -Izena kentzeko, mezu hutsa hona: joana-albret-unsubscribe@yahoogroups.com

 

Edozein galdera edo zalantza izanez gero, jarri gurekin harremanetan: joana.albret@gmail.com

 

Katalogatzeko Terminologia

Euskaraz katalogatzeko terminologia Joana Albret mintegikideen ahaleginez egindako lana da. 2000 urtean argitaratu zen Eusko Jaurlaritzako IZOren gainbegiratuarekin eta Iametza enpresaren laguntzarekin internet datu-base bezala eskaintzen da hemen.