Udazkena
Alfonso Guillo
2021/05/20 15:19
Musika-lan honen azpian, ezkutuan, gure udazkena datza, hau da, hostoen horitzea, haizeak orbela aireratzea, hego haizeko goizak, lehen elurrak mendi gailurretan eta udazken amaierako nekazal giroko feriak han eta hemen.
Batzuetan dokumentalak musika nondik eraiki iradoki zidan eta halaxe azaldu izan dut aurreko lan batzuk aurkezterakoan. Oraingo honetan motibu musikalak eta dokumentalak elkarrekin topo egin zuten eta elkarren eskutik argitaratu ziren.
Musika-lan hau laburra da, 1 min eta 18 sg, besterik ez, aurrekoak baino askoz trinkoagoa, ordea, nire ikuspegitik.
Haren azpian, ezkutuan, gure udazkena datza, hau da, hostoen horitzea, haizeak orbela aireratzea, hego haizeko goiz horiek, lehen elurrak mendi gailurretan eta udazken amaierako nekazal giroko feriak han eta hemen.
Honenbestez, Oinaztargiak bildumaren azken musika-lana ekarri dut hona.