SMS gerlak

Ni mareatzen aritu dira ere horrelako mezuekin. Eta badira aste pare bat nere mugikorrean ez duela Amena jartzen, Orange baizik. Egia esan ez nago batere gustora Euskaltelekin, eta ez nuke oso zaila jarriko eskaintza majo batengatik beste konpainia batera pasatzea, baina hau bezeroekin jolastea dela iruditzen zait.

SMSak bakarrik ez; dagoeneko zuzenean telefonoz deitzen hasi dira; atzo arratsaldean deitu zidaten niri Euskalteletik. Une horretan telefonoa itxungita nuen eta mezua itxi zidaten erantzungailuan: lasai egoteko, eta ez egiteko kasurik konpetentziatik datozen mezuei, etabar. Gero, Eibartik Arrasatera kotxean nentorrela, Radio Euskadin, Euskaltel gaia jorratzen ari ziren, abokatua eta guzti. Han ere, deialdiak Euskalteleko bezeroei, lasai egoteko, ez jausteko Orangeren probokazioetan eta tonu horretan. Estatuko afera bihurtzen ari da Euskaltelekoa. Bien bitartean, Euskalteleko bezerook zain, ia nolakoa izango den hurrengo eskaintza eta inolako presa barik erabaki bat edo bestea hartzeko. Munduko telefono erabiltzaile desiratuenak gara une honetan.

gaur igandea da, dagoeneko 9 egun telebistarik gabe

matxuratu zitzaigunean euskaltelera deitu, 1717ra hain zuzen, eta teknikoei abisatuko zietela

joan den astean beste bi bider hots egin behar, eta ezer ez

agian lan ahalmen guztia mugikorren arazoa konpontzera bideratuko zuten

orain bestalde Mayo barik, urik gabeko erreka edo hostorik gabeko zuhaitz gelditu da