Prospektiba

Joan zen astean Korrikarekin ibili ginen Eibarren eta ordu gutxi barru Cheverny -rantz noa, bertan ospatzen den Marathon de Cheverny delakoan parte hartzeko asmoarekin, disfrutatuz, espero.

Azken maratoian parte hartu nuenetik, Asturiasen, Naloi bailarako Maratoian, hamabi urte pasa dira, ez nago ondoegi prestatuta eta gainera 95an baino hamar bat kilo gehiagorekin nabil. Beraz, aste honetan Tagzanian bideak eta ibilbideak markatzeko aukera estreinatu dugula aprobetxatuz, Cheverny-ko Maratoia Tagzanian bertan egin dut.

Askoz lasaiagoa, - oraindik erosoagoa ipiniko dugu funtzionalitate berriekin laster -, eta horrela benetakoa ez badut bukatzen, behintzat Tagzanian egina izango dut maratoia :-)

Ibilbideak markatzeko tresna ondo dago zenbat metro edo kilometro egin dituzun jakiteko: automatikoki kalkulatzen ditu. Esate baterako, ez genekien zenbateko buelta egiten genuen saltaka Zarautzen , herriari ematen genion itzulian. Aztin hasi, padurak, golfa, malekoia, bigarren tuneleraino eta buelta, Salbide eta Abendañotik, autopista atzetik, berriro Aztira. Tagzaniaren tresna berriari esker jakin izan dut: 10,2 kilometro egiten genuen. Hemen markatu dut.

Hemen behean Cheverny-n egin behar dudan maratoiaren ibilibidea pegatu dut Tagzaniaren arrasto berde berriekin. Uste dut ondo dagoela, bestela aldatuko dut, baina Cheverny edo Moulinsart - Haddock Kapitaina eta Tintin-en gaztelua -, bisitatu ondoren izango da, eta bide batez Loire aldeko beste gaztelu batzuk ikusi ondoren ...

Eguneraketa: bizirik ailegatu nintzen maratoia amaitzera ...

Technorati Tags: tagzania, maratoia, ibilbideak

Beste urteetan egin duten legez, Technology Review aldizkarian azaleratzen ari diren 10 teknologia aurkeztu dizkigute: 10 Emerging Technologies 2007 . Hau da, gure industrietan, enpresetan, ikerketa eremuetan edo gure bizitzan gehien eragingo duten teknologiak.

P2P bideo banaketa ; pertsonalizatutako monitore medikuak ; eguzki nano-birkargatzaileak ; irudi digital berriak gure argazkientzat, ... aukeratu dituzten 10 teknologia sortu berrien artean daude. Egia esan, nahiz eta erdia ez ulertu, merezi du begirakada ematea Technology Review-en aurkezten dituzten teknologiei. Pistak daude eta etorkizuna gertu dugu...

Info gehiagorako: las 2005ean azaleratzen ari ziren 10 teknologia eta 2006koak hemen

Technorati Tags: prospektiba, ESTE, teknologia, joerak

Hilebete hauetan ESTEko klaseetan 2020 urtea dugu buruan aztertzen ari garen sektoreen eszenategiak burutu nahiean. Horregatik, urte epe berdina dutenez, nahiz eta gizarte eta hiri prospektibaren inguruan izan, Juan Freire irakaslearen blogean ondoko erreferentzia hauek ikusi ditudanean hona ekarri nahi izan ditut.

• Europaren etorkizunari buruz Marcel Bullingaren bideoa: So, how is life in 2020? The future of Europe in a clip . Saiakera formatoan eta Thomas Friedman , Jeremy Rifkin eta Richard Florida zuzendutako gutun ireki moduan gai berdina jorratzen du Bullingak : EUROPE IN 2020. TOWARDS A NEW GOLDEN CENTURY, A SILVER CENTURY, AND BACK TO THE MIDDLE AGES , idatzian. Hemen .pdf formatoan
• bigarren erreferentzia Stefano Boeri eta Multiplicity estudioaren lanari buruzkoa da. Gaia Milan hiri italiarraren etorkizuna 2020 urteari begira: Milano 2020: Escenarios alternativos para una ciudad europea . Hurrengo urteetarako hiru eszenategi planteiatzen dira Milan hirian.

Hiri prospektibako aipatutu ditugun beste lan batzuetan bezala (Madrid 2015 , Gipuzkoa 2020 , Atacama 2010 edo beste zenbait) plangintzari begira behar beharrezkoa da lurralde baten etorkizuna aurreikustea.

Foto: © Photo's: SpeakersAcademy.nl

Technorati Tags: prospektiba, ESTE, eszenategiak

Normalean Business Week aldizkariaren online edizioak dakarren grafiko argigarrien artean interesgarria iruditu zaidan erreferentzia aurkitu dut: Harvard Business School-en estrategia, berrikuntza eta aldaketaren kudeaketan irakasle espezializatua den Rosabeth Moss Kanter doktorearen berrikuntzaren piramidearena.

Deigarria iruditu zait. Ideia sinplea da, baina estrategia eta berrikuntza estu eta argi lotzen ditu eta Business Week-en diotenez, urteetan enpresa arrakastatsuetan berrikuntza nola ematen den aztertu ondoren aditzera eman du Kanter andereak.

Harvard Business Review delakoan argitaratutako "Innovation: The Classic Traps" artikuluan (salgai ), Kanterrek berak dioenez , berrikuntza piramidea enpresetarako hiru mailatan proposatzen den berrikuntza estrategia batean datza:

• Goian, piramidearen gailurrean, enpresaren etorkizunerako ildoak adierazten dituzten erronka estrategiko banaka batzuk baino ez.
• Bigarren maila batean, erdian, zenbait prototipo, frogetako start-up eta etorkizuna duten ideia eta proiektu, lan talde kualifikatuen eskuetan.
• Azkenik, piramidearen oinean, ideia jaioberriak edo gaur eguneko produktu eta prozesuak hobetzeko berrikuntzak.

Azken finean, horrela piramidean egituratuta, orekatua eta helburu estrategikoei erantzuten dion berrikuntza eraman dezakegu enpresan. Eta era berean, noizean behin berrikuntza handiak sor daitezke piramidearen oinarritik, mila aldiz aipatu den 3M etxearen Post-it Notes bezalakoak.

Beraz, bide asko irekita helburu garbi batzuen menpe. Ez da gutxi!

Technorati Tags: prospektiba, berrikuntza , klaseak

Future Exploration gunearen blogean etorkizunerako joeren mapa bitxia argitaratu dute What's Next (Nowandnext.com) delakoekin batera. Mapak datozen urteetan izango ditugun joera garrantzitsuenak marraztu nahi ditu.

What's Next-en txosten osoa salmentan dute eta nahi izanez gero orrialde batzuk eskuratu ditzakegu .pdf formatoan .

Etorkizunerako joerak hamar ardatz nagusitan batzen dituzte: gizarte eta kultura, gobernua eta politika, lana eta negozioak, komunikabideak, zientzia eta teknologia, elikagaiak, osasuna, finantzial zerbitzuak, merkataritza, eta garraioa.

Blogeko sarrera honetatik lortu dezakezue aipatutako mapa .

If -en ikusia.

Technorati Tags: prospektiba, joerak, etorkizuna