Putaren egun alaiak
Putek egun onak ere izaten dituzte. Nire lagun bat kokoteraino zeukan bere anaia gazteak, etengabe baitzebilkion alamena ematen, beti sexuaz hitz eta pitz. Kirolari indartsua zen anaia gaztea. 23 urte baina artean birxina. Nire lagunak pentsatu zuen horrexegatik ibiliko zela ziur aski beti sexuaz kalakan. Lagunak behin batean jai bat antolatu zuen, negozio baten arrakasta ospatzeko. Prostituta bati deitu eta eskatu zion arropa deigarririk gabe agertzeko, anaiarekin ligatzeko itxurak egin, atzeko gelara eraman eta zenbait astetan bederen bakean uzteko moduko pasara gogorra emateko. Hori bai, ondoren xehero-xehero kontatu beharko zion guztia. Heldu da jai eguna, joan dira atzeko gelara eta bizpahiru orduren buruan berriro agertu dira. Prostitutak kontatu zuenez, sekula ez zitzaion antzekorik gertatu: kirolariari tentetu bai, baina jo ta ke gogo biziz saiatu arren ezin bukatu. Berak lau orgasmo erdietsi zituen eta kirolariak berriz bakar bat ere ez. Neska pozik zegoen. Kobratu eta alde.