Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Markos Zapiain / Mugikorra: ikasle histerikoa eta perbertsoa

Mugikorra: ikasle histerikoa eta perbertsoa

Markos Zapiain 2008/01/10 15:55
Ikastetxearen egiturak eta funtzionamenduak nerabea egunean zazpi orduz modu guztiz antinaturalean eserita eta lezio sarritan aspergarriak nozitzera behartzen dute. Erakundera moldatuko bada, nerabeak bere gorputza neurri batean gaixotu egin behar du, zakar zalapartaria izan daitekeen bere izaerari uko egin eta goibeldu.

Irakasleontzat askoz ere erosoagoa baita ikasle triste eta mutua alai jostaria baino, gero ideologikoki pozaren alde egon zaitezkeen arren.

Halatan, eta mugikorra kontuan hartuz, ikastetxera moldatu behar bortxazko horren ondorioz, talde bitan sailka litezke ikasleak: batetik histerikoak; bestetik perbertsoak.

Ikasle histerikoak ikastetxeak dakarren botere harremana onartu eta onarpen hori muturreraino darama. Bada onarpen mota bat biziki kezkatzen duena onarpen horren bila zebilena. Edozein histerikok bezalaxe, ikasle histerikoak harreman zuzena bilatzen du maisuarekin. Maisuarekin elkartu nahi du, ondoren menperatu eta maisuaren errege edo erregina bilakatzeko. Ikasle histerikoari mugikorra ez zaio gehiegi axola, garrantzitsuagoa zaio irakaslearen gain izan dezakeen agintea ziurtatzea, edozein bidetatik: irakaslearen arretaz jabetzea, irakaslearen ametsetan sartzea eta irakaslea akaparatzea. Hau da nota 10eraino altxa diezaion tematzen den ikaslea, nahiz 9 atera.

Aldiz, ikasle perbertsoaren erantzuna erakundearen larderiaren aurrean autistagoa da, ez da inplikatzen. Nota ez zaio larregi axola, aski zaio aprobatzen joatea. Irakasleak bere bihotzeko segapotoarekin bakean utz dezan nahi du oroz lehen. Zeharo bat eginik bizi baita psparekin, gamearekin, playarekin, mugikoarrarekin, eta beretzat irakaslea nola edo hala saihestu beharreko mamu mehatxatzaile gisako bat izaten da, masturbazioaren ordezko den bere jolasik gogokoenaren ttiki-ttaka ttiki-ttaka deliziosa etetera datorren tirano gogaikarria.

 

markel
markel dio:
2008/01/23 03:17

Arrazoia daukozu Markos, baina neure burua zein taldetan sartun jakin ezinik nabil.

Ikasketa sistemearen gainean komentariorik egiten ez badot, hobeto.

Olatz
Olatz dio:
2008/02/03 17:33

Marcos zuk asko pentsatzen duzu ez? Baina pentsatuz gain praktikan jarriko bazendu razionatzen duzun dena, askoz ere probetsugarriagoa izango litzateke;bai zuretzako eta bai zure ikasleentzako. Dudan jartzen dut zu ez bazara ikasle triste bat nai duena, hor bere mahaian jarrita isilik eta zure hitzak, deduzioak, etb dudan jartzen ez dituena.

markos zapiain
markos zapiain dio:
2008/02/04 13:24

Egia da, Markel, sailkapen horiek orokorregiak dira, baina zu ikasle gisa histeriko sinpatikoen artean kokatuko zintuzket. Ni berriz perbertso zomorro petoa ninduzun. Eta irakasteko metodorik egokiena, hauxe: makila altxatu eta dantza, zeu lez atorratan:

http://www.youtube.com/watch?v=QC6G5Eyt6pY&feature;=related

Hori estiloa gidaritzan, hori martxa, hori karisma! Felliniren pertsonaia ematen duzu, taroteko arketiporen bat.

Eneko Barrutia
Eneko Barrutia dio:
2008/01/23 02:29

kaixo! Konforme Markosekin, beti legez, neure buruarekin baino konformeago aspaldion. Beldurra ematen dit irakasleen sailkapenik eginda daukan galdetzeak. Egia da, ez da metodo naturala gure gazteekin darabilguna. Guri irakatsi ez ziguten moduan irakasten ahalegindu behar dugu. Zelan egiten da hori?

markos zapiain
markos zapiain dio:
2008/02/04 13:31

Arraioa, Eneko Barrutia, Mundeka/Bermioko pitxarrosietan legetxe Amsterdameko etxe gorrietan be aditua, aspaldiko, zertan zabiz? Ez, ikasgelan ez dut metodo naturalagorik erabiltzen asmatzen, eskerrak berehala jubilatuko gaituzten. Goraintziak Arantzazu Otazuari eta eskerrik asko Bermioko arrantzaleei eginiko elkarrizketen transkripzioa edonoren esku jartzeagatik: http://www.mendebalde.com/modulos/usuariosFtp/conexion/archi275A.pdf

markel
markel dio:
2008/01/23 03:29

Zera, lehen erantzun erdia borrau jat eta ez da argitarau.

Nago, bigarren talde perbertso horretatik asko dodala. Histerikotik, zeozer be bai. Berbarako, notak ez jataz larregi ardura eta irakasleen lagun egiteko erreztasuna daukot.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Markos Zapiain

1963an jaio nintzen. Markos Zapiain naiz ia beti. Baina ez zidaten soldaduzka egiten utzi, nortasun bikoitza dela eta. Batzutan Pelipe pizten da ene baitan. Pozik ibiltzen da oro har Pelipe. Baina haserretzen denean, kontuz.