Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Markos Zapiain / Tximeleta eta Judas Iskariote

Tximeleta eta Judas Iskariote

mzap 2004/11/20 16:59

Tximeleta efektuak berez natura munduan edozer eta guztia beste guztiarekin harremanaturik dela erakusten du, harreman horiek gizakiontzat ia beti gordeak eta ulergaitzak badira ere. Edozein gisaz, hasiak gara, dirudienez, harreman horren alde bat ezagutzen, gizakiok halakoak ezagutzera heltzen ohi garen moldean, alegia, zartakoka: gure erasoei, naturak erantzun egiten die, sarritan bortizki, azken aldiko hozbero surrealista eta uholde bitxi horiek adierazten dutenez. Ustiategi huts uste genuena hasia da amorruz ihardesten, eta Dorre Biki piloa eraitsiko du datozen urteotan.

Dena dela, ez soilik aldiberekotasunari begira, lehen begiratuan tximeleta efektuak ez baitu aintzat hartzen aldiberekotasuna baino, baliteke historian ere tximeleta efektu antzeko bat irudikatzea zentzunaren aurkakoa ez izatea guztiz: Leibnizek eta Borgesek bederen erakutsi zuten agian zu orain hau irakurtzen egon ahal izateko ezinbestekoak izan direla Santimamiñeko margolariak, Judasen musua, azken Mohikanoaren bainuak Ipar Amerikako erreka alaietan, Real Unionek hainbat Liga irabazi izana eta psikoanalisiaren hedatzea herrialde aberatsetan.

Ikuspuntu horrek, gizaki arruntoi eramangaitz gertatzen zaigun erantzukizun izugarri baten zamaz uzkurtzen digu morala, esaten eta egiten dugun guztiak iraganeko gertaerak oro behar izan baititu, bai horixe, baina orobat erabakiko baitu etorkizun larriaren gorabehera bakoitza. Alegia, hamaiketakoan kruasana ala donutsa aukeratzeak, ondorio erabakigarriak ekar ditzake, hamar mila urte barru ilargian ur eskasia dela eta liskarturiko bizilagun batzuek konponbideak bila ditzaten orduan.

Ordea, kontua da zelan jakin ziurtasunez zein den aukera egokia, zerk egingo ote duen konponbidea eskuragarriago, kruasanak ala donutsak, gure oraingo jokabide artezak ala maltzurrak.

Indian eta, oro har uste dute jokabide zintzoak ondorio ederrak eta zuzenak dakartzala, oroz lehen norberarentzat; egia esan, badirudi erlijio eta autolaguntza molde ia guztiek halakoak sinisten dituztela. Hots, hobeki zara biziko, baldin ez bazabiltza beti zure adiskideez atzetik gaizki esaka, esan gaizto horiek boomeranga bezala atzera zuregana itzuli eta bertan seko kakaztuko baitzaituzte.

Baina demagun ongiaren eta gaizkiaren neurria beti dela berdina Unibertso aldiberekoan, halaber pozarena eta haserrearena. Halatan, poza zeureganatzen duzun heinean, beste bati kentzen diozu. Eta demagun pozak ez dakarrela ondorioz nahitaez pozaren emendioa, historian zehar ere orekaz dabiltzala poza eta korromioa. Orduan, zure bizitzan pozkorregia izan bazara, beste batek ordainduko du gerora, eta zure poza sakrifikatzeak beste baten edo batzuen zoriona ekarriko luke. Horrexegatik dio Borgesek Jainkoa ez zela ospe oro har oneko Jesusengan hezurmamitu, baizik eta geure kostaldea galipotak bezain zikindua eta zigortua izan den Judasengan.

etiketak:
markos zapiain
markos zapiain dio:
2004/12/03 16:57

Maiz Pauloven zakurren oso antzera gabiltzala ezin uka, baina arriskutsu bezain nazkanteak egiten zaizkit hiritarrak Paulovek bere zakurrak erabili zituen legez manipulatzen ahalegintzen diren agintariak.

Bestalde, Asier, lehenengo Bkoek (Zumeta, Eiza, Arruza, Gandas...) esan dostie nor zaren, ezizenez Miliki, Larramendin zabiltzana.

Ea datorren urtean bigarren mailan zeu lako pentsalari ausart bat gure artean izateko ohorea dugun.

Goiko
Goiko dio:
2004/12/04 00:43

kaixo markos: orrela esaten didaten aren, naiago dut "goiko" deitzea. eta horain, beti bezala, beste zalantza bat dut zuk garbitzeko: zein da zuk erabiltzen dozun argumentua, irakurtzen ari zaren testu hau erreala dala esateko. Nola arrazoitu dezakezu ez zaudela ametsetan eta horain ikutzen duzun sagua edo teklatua benetan mahai gainean daudela? eta onekin batera, nola definitu dezakezu errealitatea eta fikzioa? Oharra: niretzat ohore handia izango dan arren datorren urtean zure ikasle izatea, mungian oso pozik nago eta gure filosofiako irakaslea, zoragarria da.

Euzko Gudari
Euzko Gudari dio:
2005/02/17 01:16

Marko (Euskaltzaindia "Gorena"k esaten dauen moduen zure izena izan bidala), honetan egunetan zozer pasaten jatzu klasien seridxueidxe zauz eta. Ganera denbora guztidxen zauz dikteten ta ganera arin, pentsa leike fastididxeteko bakarrik eitzenzule. Orain ezta lengo moduko filosofidxe. Materidxe emoteko gero ta gogo gitxiau dakot, ta egidxe esan niri asko gustaten dazt filo.

Len klasera animeta etorten zinen baie orain... Zeitzik da hori ba? Inspektoriek etorko diez edo zure nagusiren batek zozer esantsu?

Ein mesedie ta etorri len etorten zinen moduen. Egidxe esangotsut, nahiz eta selektibidaderako eztot hartun filo, baie gustako lekidazt nire ustez ondo emoten daztelako idazle filosofuen filosofidxe ulertutie.

Ulertuten dot zu apur bet triste egotie iñok eztulako hartun filo eitzeko, baie notie altsa bidu gero geuk gudune izateko, edo behintzat ahaleginduteko izaten.

Mesedez esatentsut ostabe trankilau etorteko ta ez dizennak oten formal zure klasietan, haiziek hartzien botateko.

Trikitilari sutsu bat

irene
irene dio:
2005/02/06 17:42

niri informazio hu oso txarra iruditzen zait

Sabin Capone
Sabin Capone dio:
2004/11/28 23:29

Donutsa edo kroisanta, hauxe gure mendeko koxka. Honexek dira gaur egungo gizakia definitzen duten aukeraketak; edo gaur egungoa eta azken eztakitzenbat-mila urteetan lur gainean oinez edo kotxez ibili den esku findun animalia, gizakia gizaki denetik definitzen duten aukeraketak, laburtzearren, harri zorrotza beste animaliak ehizatzeaz gain gure ondokoari urdailean 3 zentimetroko zulo mortala egiteko balio duela ikasi genuenetik.

Ordutik hona gizakiak montatu duen zirku soziologiko hau ez naturaltasunean oinarritzen dela esatea, badakit, munduko pentsazale handienen aurka joatea dela, baina nire burmuin kilo pareak(pisu hau halanolakoa da, denbora da burmuineko masa neurtzen ez dudana) hau pentsatzera bultsatzen dit. Donutsa edo kroisanta. Gizaki natural bateak, gosea izanez gero, kroisanta eta donutsa biak jango lituzke, gusto handiz gainera eta zihurrenik kamareroak ekarritako plater azukretsua mihizkatu egingo luke, amazoniako txori txikiek lore goxoak mokoka garbitzen dituzten lez. Baina, gizaki antinaturalak, kaloria kantitatea kalkulatu ondoren eta ausnarketa sakon baten emaitzaren ondorioz bata edo bestea aukeratzen du.

Sistemak gizarte antinaturala behar du zutik jarraitzeko, pentsa momentu batez, Saturnotik datorren extralurtar batek naturalegeen arabera bizi diren 6.000.000.000 tximino jartzen dituela munduko gizaki populazioaren ordez. Bush-ek 300.000 tximino-soldadu gobernatuko zituen gerra bat pizteko? Ez dut uste.

Honela ba, naturako legeak ez dute aplikazio zuzenik gizakiarengan. Tximeleta efektuak gizartean ez du holako expantsio aukerarik, sistema arrazional berak mozten du katea, zuk gaur aukeratutako donutsak kaduzitate epe bat izanik. Tximeleta efektua, tximeleta defektu bilakatzen sistema zutik mantentzeko autoekikatzen den buklea izanik. Zure ekintzak ez dira difuminatuko, baina geroan ezinbukatuzko bukle batean sartuko dira.

Gauko tristurak, biharko tristurak izango dira sistemak honela behar badu. Gaurko tristurak biharko pozak balira Afrikan inbertitzea errentagarria izango litzateke oso, 1000 urte sufritzen, gaur esklabu, gatibu, diktadore bat hemen, genozidioa han, gosea hemen eta han. Honek 1000 urteko poztasuna ekarriko du ba, edo ez? Beno, nik arriskua asumitu eta maleta egingo ditut. Dakarreko hondartzetan eguzkia hartzeko 1000 poztasun-urte ditut aurretik.

Goiko
Goiko dio:
2004/12/01 20:22

Esan beharra daukat, nire izena ez dela ez Gorka, ezta Jon ere. Argazkilari trebea ez nazen ere, nik neuk pozik egingo nituzke argazki oriek. nire izena Asier Goikoetxea da. 16 urte bermeo eta mungiako larramendi ikastolan nago ikasketak burutzen. zihurrenik, ezaguna izango da zuretzat PAULOV eta bere txakurra, konduktismoa.... Nik proposatzen dudan arazoa, ondorengoa da: gizakia gai bada estimulo batzuen bidez beste gizakien portaera, izaera eta objetuekiko ikuspuntua aldatzeko, non dago gure askatasun preziatu ori?? Egia al da Paulov-ek diona?? erantzun azkarra mesedez.

Goiko
Goiko dio:
2004/11/25 18:57

Kaixo. Sentitzen dot esatea, mezu hau ez dala zuk idatzitako gai honi buruz nire iritzia emoteko: Neure burua aurkezteko baizik. 1988an jaio nintzen. "Goiko" naiz ia beti. Niri ere ez zidaten soldadutza egiten utzi, nortasun bikoitza dudalako. Baina, nire baitan, ez da Pelipe pizten: "I. Kant" baizik. Kant-ek, nik ez bezala, bizitzari eta honegaz batera datozen problemei, arrazoi filosofikoa aurkitzea gustatzen zaio. Nire filosofiako irakasleak beti esaten du, gizaki bat ulertzeko, bi gauza hartu behar direla kontutan: leku geografikoa eta historian non dagoen kokatuta. Baina beste alde batetik, nik uste dot, gizaki guztiok ditugula berezkoak diran konportamenduak, gure kulturakin bat ez datozenak. Adibidez: Kultura danetan eta gizakia esistitu danetik, gizakiak, edertasun fisikoa bilatu du. beste adibide bat, itsura izango litzateke: kalera ondo jantzita joatea, ezinbestekoa zaigu, besteek, maleante batzuk garela pentsa ez dezaten. Zer iruditzan jatzu nire ikuspuntua? erantzun ahalik eta azkarren mesedez. Oharra: "markos zapiain naiz ia beti" atalean, argazki gehiago sartzea proposatzen dizut.

markos zapiain
markos zapiain dio:
2004/11/28 14:39

zein zara, Lakaren Gorka ala Jon Goikolea?

argazkiena egiteko ikasle informatuan aditu horietako bat ekarri beharko dut etxera, baina gatxa da guztiz fidagarria litzatekeen baten bat topatzea

Markel Anasagasti agian, ez baita bermeotarra

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Markos Zapiain

1963an jaio nintzen. Markos Zapiain naiz ia beti. Baina ez zidaten soldaduzka egiten utzi, nortasun bikoitza dela eta. Batzutan Pelipe pizten da ene baitan. Pozik ibiltzen da oro har Pelipe. Baina haserretzen denean, kontuz.