Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Markos Zapiain / Euskalgintza, florero eta enbarazu

Euskalgintza, florero eta enbarazu

mzap 2007/11/15 11:14

Hizkuntz politikarako sailburuorde baten ikuspegitik, ez ote da Johnsoni erantzutea baino premiazkoagoa euskalgintzan benetan dauden arazoak konpontzen ahalegintzea?

Esaterako, Udal Euskaltegietako euskara irakasleen bizimodu petrala ezagutzeko "Kalamuataik Txargainera" Leire Narbaizaren blogeko azkenaurreko idazkia irakurtzea komeni da. Leire Narbaizak hamazortzi urte daramatza Udal Euskaltegietan irakasle. Eta sentitzen du bere lanak ez duela prestigiorik, probisionala dela, Jaurlaritzarentzat bere funtzioa ez dela adabaki hutsa baino. Hona ekarriko ditut bere salaketa batzuk. Dena den, Narbaizaren testua bera da irakurri beharrekoa, antologikoa baita: freskoa, sendoa, egiatia eta umore goibel batek zipriztindua, Narbaizaren beste asko bezala.

Kontua da Udal Euskaltegietako irakasleek, formazio espezifikorik ez izateaz gain, zoratzeko moduko ordutegiak pairatzen dituztela, kabaretera ordutegiak: adibidez, EAEko beste puntan ordu bi goizean goiz eta beste bi ilunabarrean.

Hizkuntza Eskolarekin alderatuz gero, aldea ikaragarria da, lan baldintzei dagokienez, prezioei, funtzionamenduari...

Euskara ikastea garestia da. Aldiz, gaztelania ikastea, adibidez Eibarren, doan da.

Eta Udal Euskaltegietako irakasleak soldataz ez dira kexu, AEKkoek beren erdia inguru kobratzen dutelako, lan gehiago eginda.

Leire Narbaiza: "Uste dut euskararen normalizazioa dela eta, erakunde publikoek hipokrisia handiz jokatzen dutela. Euskara, azken batean, floreroa baino ez da. Polit egiten du programan eta paperean. Baina eguneroko jardunean enbarazuan dago".

etiketak:
marga
marga dio:
2008/06/03 01:21

bueno, ni jartatzen naiz mezuak bidaltzen euskararen gaiaz ari zaretenetan. Euskaltegietako irakasleen lan baldintzak, pribatuetakoenak batez ere, deitoragarriak dira. Jendeak hogei urtetan lanean, sei eskolaordu eta sei orduko kontratuak ditu. Benetan lotsagarria... inor ez da honetaz konturatzen ala???... Eta Leire, udal euskaltegietan badago zer hobetua, beti dago eta zer hobetua, baina nik esango nuke, kontu honetan langile pribilegiatuak zaretela- ni orain udal euskaltegi batean ari naiz- bestelako kontua da, zertarako jaio ziren udal euskaltegiak eta benetan bete behar duten esparrua betetzen duten. Numeros clausus dute, izan ere, ezin ikas dezake nahi duen beste ikaslek, ez dago leku guztietan, hiriburuetan ez dago, eta Araban leku gutxitan... baina honen gainean hasieratik geunden guztiok... euskara legea sortu zenetik... Bestalde, euskaltegi pribatuetako langileen baldintzak lazgarriak dira oso. Eta sentitzen dut bihotzean AEKrekin zor historikoa dagoela.

leire
leire dio:
2007/11/15 19:55

Mila esker, Markos! Lotsa-lotsa eginda nago. Oso gauza politak esan dituzu blogean gainean, eta hori eskertzekoa da.

Gabonetan urdaiazpiko bat oparitu beharko dizut :-) Mila esker

marga
marga dio:
2008/06/02 18:19

Ni ados nago, udal euskaltegiak adabaki hutsak izan ziren, eta Markos, eskertzen dizut AEKrekin gogoratu izana, guri sartu baitziguten sastada ederra.. hortik ere aipatzen duzun horrek. Segi hola, txo, ez etsi...

markos zapiain
markos zapiain dio:
2007/11/15 21:00

ze pena, leire, euskaltegien ataka petralaren zure deskribapen/salaketa horrek nire blogean errepikatuta baino indar handiagoa zukeen atzoko kalakan patxi baztarrikari zuzenean jakinarazi banio, eta horretarako neukan prestatua, baina ezin izan nuen, ezin izan nuen ia ezer

leire
leire dio:
2007/11/19 18:58

Bai, lastimia da, Markos. Baiña Kalakan astirik ez dau ezertarako be. Gaiñera, Euzkitzek mozten daben moduan moztuta, aukerarik be ez dakazue dana esateko.

marga
marga dio:
2008/06/03 01:12

zuri ere eskertzen dizut Leire.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Markos Zapiain

1963an jaio nintzen. Markos Zapiain naiz ia beti. Baina ez zidaten soldaduzka egiten utzi, nortasun bikoitza dela eta. Batzutan Pelipe pizten da ene baitan. Pozik ibiltzen da oro har Pelipe. Baina haserretzen denean, kontuz.