Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Markos Zapiain / Ali Baba, Errealaren itxaropen bakarra

Markos Zapiain

Ali Baba, Errealaren itxaropen bakarra

mzap 2007/11/08 11:27

Hedabideek jaramon zipitzik egiten ez badiote ere, hiriburutik urruti dabilelako ziur aski, bistan da Eibar K.E. dela Gipuzkoako futbol talderik onena, azken urteotako ibilbideak frogatzen duenez. Txinatarrak ohartu dira. Eta, diru kontuak eta inbertsioak oraindik aipatzen ez diren arren, eibarkoa dugu euskal futbol taldeen artean Txinan peña bat ireki dioten lehenbizikoa. Shangain aurkeztu zuten joan den larunbatean.

Bestalde, Errealaren gainbehera tamalgarria dela-eta hain daude zaleak goibel, uste baitute, jendaurrean aitortzen ez duten arren, apur bat altxatzeko ohiko baliabideak eta legezkoak ez direla aski, ezinbestekoak direla lapurreta eta magia.

Halatan, Alibaba.com webgunean eman dute balizko txinatar inbertitzaileek, Lighthouse Consulting Limited konpainiakoek, bere enpresaren berri.

Gomazko ahateei buruz ikaragarri dakien eibartar batek, Luistxo Fernandezek, jakinarazi digu, hain zuzen, bi milioi ahate gomazko behar izanez gero Alibaba.com-en aurki ditzakegula. Webgune eta maila berean baitaude gomazko bi milioi ahate eta Errealaren biziberritzea.

Horri guztiari buruzko informazio eta iritzi jakingarriak, Iturrirenean.

Kirol munduko bidegabekeriarik nabarmenenetakoa da futbol profesionalari horrenbeste diru publiko ematea. Eta ez dirudi Ekialdetiko mugimendu horren antzekoek ohitura hori konponduko dutenik.

etiketak: kalakakoak
Luistxo
Luistxo dio:
2007/11/08 20:35

Ahate gomazkoetan aditua naiz, bai, baina nola esango diogu joera honi: ludozoofilia ala zooludopatia?

markos zapiain
markos zapiain dio:
2007/11/08 23:41

orain bertan zuzenduko dut, leire

eta enbaxadore izateari ez diot utziko, bekatua oso larria izan dela onartzen dudan arren

kontua da orain bertan enbaxadore lan polit batean sartuta nagoela, eta ez dut bide erdian abandonatu nahi

batirtze basabe bermeotarra eibartar batekin dabil

ez da oso ohikoa, institutuko ikasle izaki

baina batzuetan sentitzen du mutilagunak heavy metala eta sutagar bera baino gehiago maite dituela

gisako gaizkiulertuak argitu eta bideratzeko gaude enbaxadoreak

(leire, txillardegi eta ziminoaren aurkezpena ziur aski 20an izango da, martitzena, donostian, 12ak aldera. ziurtatu orduko zehaztuko dizut)

musu handi bat

leire
leire dio:
2007/11/08 23:28

Markos, mundiala zara! Zure alabaren jaiotzarena entzun nizun atzo, eta itzela begitandu zitzaidan

Beste alde batetik, nire ikasle batek Eibarren jokatzen du (eta jokalari onenetakoa da), eta gaur esan dit normala dela eurei hainbeste kasu ez egitea. Apalak, gainera!

Beste alde batetik, zure enbaxadore izendapena kolokan dago. Eibarrekoa idatzi duzu! Hori onartezina erdi-eibartar batentzat. Eibarko, eibarko :-)

Ondo segi, fenomeno

markos zapiain
markos zapiain dio:
2007/11/08 23:20

gehiago konkretatu behar da, animalia zehazki pirua dela adierazi eta p ugari erabili: pirupanpinpatia, pirupanpinpata

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Markos Zapiain

1963an jaio nintzen. Markos Zapiain naiz ia beti. Baina ez zidaten soldaduzka egiten utzi, nortasun bikoitza dela eta. Batzutan Pelipe pizten da ene baitan. Pozik ibiltzen da oro har Pelipe. Baina haserretzen denean, kontuz.