Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Markos Zapiain / "Behatz"

Markos Zapiain

"Behatz"

mzap 2006/03/07 09:06

Barandiaranen ustez, Cro-Magnon gizakiak ekin zion euskaraz mintzatzeari, eta gainera euskara izan zen erabili zuen lehenbiziko hizkuntza.

Ordea, ez ote da euskara askoz ere lehenagokoa?

Euskaldunok zein bereziak garen geure hitzek erakusten dute besteak beste. “Behatz” hitzaren erabilera erdialde eta ekialdekoak, esaterako, frogatzen du ziminoa euskaraz hasi zela artean lau hankan zebilelarik, zutitu eta gizaki bilakatu baino lehen beraz.

Aspaldi hartan ziur aski bizkarretik beso bat erneko zitzaion gorantz, ortzirantz, zimino euskaldunari, gero galduko genuena, eta “hatz” beso horren eskukoei deituko genien.

Ezohiko jarraitutasunaz egin du euskarak ziminoarengandik gizakiarengana, jauzi kualitatiborik batere gabe, eta horregatik izango gara agian hain naturalak.

etiketak: bermeo
anasintxa
anasintxa dio:
2006/03/19 19:34

Xuxenek ez du gorriz azpimarratzen. Euskaltzaindiaren webean hau agertzen da:

behatz: iz. 1 beheko hatza. 2 Gip. eta Naf. hatza. 3 Lap. azazkala.

hatz 1 (eskukoa). 2 aztarna, arrastoa. 3 hazteria

atzamar iz. 1 h. atzapar. 2 Bizk. hatza.

Beraz, errakuntzarik izan ez dagigun, eskuko hatz eta oineko hatz erabiltzea izango litzateke onena, edo bestela hatz (edota atzamar) eta behatz erabiltzea baina denok zer diren jakinik.

anasintxa edo markel
anasintxa edo markel dio:
2006/03/11 12:42

Zuk jakinen duzu, agian Pelipek hobeto, bera baita zimu guzien errege.

magali
magali dio:
2006/03/15 13:08

Euskera batun eskutakuai be "behatz" deitzen gakue?? Guk behatz ero "bihetzak" hainketakuai eta eskukuai "hatzamarrak". "Hatz" berbi bera bakarrik ezta ibiltxen? Hauxea gauzi aldrebesa.

anasintxa
anasintxa dio:
2006/03/17 11:43

Hitzak dioen moduan, behatz: beheko hatz beraz, oinetako hatzei behatz deritze. Eskukoei ordea, atzamar, batez ere Bizkaian. Hatzak guztiak dira.

Euskaltzaindiak uste dut eskuko hatz edo oinetako hatz erabiltzea gomendatzen duela.

Xuxen al nago Markox?

markos zapiain
markos zapiain dio:
2006/03/18 17:46

"xuxen"i galdetu behar; zer azpi dizu gorritzen? hura bekatari

Markel
Markel dio:
2006/03/10 01:34

Ez hori bakarrik, guretzako metalezkoak izan ohi diren tresna askok haitz hitza dute errotzat: Aizkora, aitzur, aizto, aizlau... Zerbait esan nahiko du ezta? Tximinoek, harrizko ala zurezko tresnak erabiltzen zituzten?

markos zapiain
markos zapiain dio:
2006/03/10 19:02

nola harrizkoak hala zurezkoak, markel

baina, oroz lehen, blandibluzkoak

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Markos Zapiain

1963an jaio nintzen. Markos Zapiain naiz ia beti. Baina ez zidaten soldaduzka egiten utzi, nortasun bikoitza dela eta. Batzutan Pelipe pizten da ene baitan. Pozik ibiltzen da oro har Pelipe. Baina haserretzen denean, kontuz.