Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Prospektiba / Prospectiva Madrid 2014

Prospectiva Madrid 2014

Eneko Astigarraga 2004/09/23 00:52

Egun hauetan Prospectiva Madrid 2014 mintegia egiten ari dira, datozen 10 urteetan Comunidad de Madrid delakoaren garapenerako aukera egokienak aztertu nahiean.

Zazpi hilabete iraungo duen proiektuak hiru fase nagusi ditu: lehenengoa Madrilgo ekonomia egoera eta aurreikuspenen azterketa, bigarrena hamar urteko epean eman daitezken eszenategiei buruzko hausnarketa eta hirugarrenean emaitzak eta estrategiak azaldu.

Gaur lehendabizikoa aurkeztu dute , eta fase honetan nazioarteko ingurunea eta inguruko erregioak, garapen ekonomikoa, demografia eta migrazioak, bizitza kalitatea, azpiegitura eta proiektuak (Joko Olinpikoak barne), sektore produktibo nagusiak eta teknologia berriak aztertu dituzte.

Prospectiva Madrid 2014 eta lurralde prospektiba

Ikerketaren ardura Universidad Antonio de Nebrija -k izango du, Emilio Fontela-ren gidaritzapean, eta prospektiba arloan ezagunak diren beste aditu eta erakunde batzuen laguntzarekin: Futuribles erakundeko Hugues de Jouvenel, Centro de Estudios Económicos Tomillo (CEET), Centro de Predicciones Económicas (CEPREDE) edo COTEC Fundazioarena, esate baterako.

Orain eszenategien hausnarketari ekingo diote. Normalean, lurralde batentzat posible diren eszenategi guztiak edo gehienak kontutan izaten dira prospektiba azterketetan, gero adierazgarrienak edo kontutan izan beharrezkoenak sakonago aztertzeko.

Gipuzkoa 2020 hausnarketa estrategikoan, beste hipotesi askoren artean eta azkenean baztertua izan arren, egoera politikoaren bilakaeraren arabera 2020 urtean Gipuzkoa Foru lurraldea - ondasun eta legedi konpetentziarik gabekoa, Batzar nagusirik gabekoa, ... -, izan ez zitekeela planteiatu genuen.

Planteiatuko dute Madrid 2014 ikerketan, hipotesi bezala sikiera, Madril estatu deszentralizatuago baten hiriburua izan daitekela? Beraz azpiegitura eta zerbitzuen hazkunde tasa murrizketa handiarekin? Gaur egun baino lurralde txikiagoa duen estatu baten hiriburua izan daitekela? EU-ren luzapenarekin pisu gutxiago izan dezakela Europa barnean? Ikerketa zuzentzen duten batzuk ezagunak ditut, saiatuko naiz txostenak lortzen... gustora irakurtzekoak, seguru.

Eguneratua 2005/03/07

Gaur egun, ikerketaren izena Prospectiva Madrid 2015 da. Eszenategien urte-muga edo epea aldatu egin da, 2014tik, 2015era pasatuz.

etiketak: ,
eneko
eneko dio:
2004/11/01 01:04

Prospectiva Madrid 2014 ikerketaren barnean "Imágenes de Madrid 2014" gazte (1986 baino beranduago jaiotakoentzat) lehiaketa antolatu dute.

Lehiaketaren oinarriak helbide honetan daude http://www.nebrija.com/prospectiva-madrid-2014/concurso/bases.htm

Oinarriek hau diote:

Puedes adoptar cualquiera de estas dos fórmulas:

  • Redactar una serie de titulares, que te gustaría leer en los periódicos de 2014
  • Escribir un artículo periodístico sobre una posible noticia de actualidad en 2014

Lehiaketan parte hartzeko azaroak 10 baino lehenago bidali behar dira idatziak.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

"Etorkizuna interesatzen zait datozen urteetan bertan biziko naizelako".

Prospektiba, estrategia eta plangintzari buruzko bloga.