Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Prospektiba / Garapen jasangarria edo iraunkorra eta eszenategiak

Garapen jasangarria edo iraunkorra eta eszenategiak

Eneko Astigarraga 2005/01/28 01:24

Tokiko Agenda 21ak direla eta, garapen jasangarria eta jasangarritasuna hitzak erabiltzera ohituta nengoen. Aldiz, Euskaltzaindiak garapen iraunkorra hobetsi zuen, nahiz eta Eusko Jaurlaritzak behin eta berriro garapen jasangarria terminoa erabili.

Baina tira, blogera ekarri nahi nuena jasangarritasuna edo iraunkortasuna eta prospektibaren eremuak lotzen dituen webgune interesgarri hau da: Scenarios for Sustainability. A consortium to support open methods and tools(www.scenariosforsustainability.org ). Metodoak, softwarea, ... intereseko gauzak, bai.

Iraunkortasuna etorkizuneko joera da eta prospektibak gero eta arreta gehiago eskaintzen dio, ikuspuntu ezberdinetatik gainera.

Eta aurrekoekin batera, Sustainability Now ( www.sustainability.ca ), jasangarritasunaren inguruko errekurtsoak. Kanadan sortua, apur bat Ingurumena webaren estilora, baina ekimen profesional eta pribatutik sortua, British Columbia-ko ingeniero talde batek egina.

Gure artean, esate baterako Euskadiko Portu, Ubide eta Bideetako Ingeniarien Kolejioak edo Euskadiko Baso Injineru Teknikoen Elkarteak sortuko balu bezala. Ez legoke gaizki dena administrazioaren eskuetan ez uztea ...

etiketak: ,
Julen
Julen dio:
2005/01/28 14:55

Nigatik balitz, beti "jasangarritasun" erabiliko nuke, ze iraunkortasunak ez dut uste inongo zerikusirik duenik jasangarritasunarekin. Ekimen iraunkor batek (irautearen irauteaz) natura suntsitu daiteke, eta, beraz, ez da jasangarria. Bestalde, "ingurumen" baino, nik "ingurugiro" entzun izan dut beti, eta azken aldian "ingurumen". Iraunkortasuna eta ingurumena, inbento berri bi nik tragatzen ez ditudanak.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

"Etorkizuna interesatzen zait datozen urteetan bertan biziko naizelako".

Prospektiba, estrategia eta plangintzari buruzko bloga.