Meza eman eta txistua jo
Oier Araolaza
2008/09/03 16:48
Iraganean, hainbat apaiz txistulari ezagutu ditugu Euskal Herrian. Mateo Txistu, apaiz, txistulari eta ehiztari amorratuaren ipuinak alde batera utzita, ezagunak dira, adibidez, apaiz lanak txistuaren doinura burutu dituzten Aita Hilario Olazaran edo Aita Gaizka Barandiaran.
Aspaldi ez dut ordea apaizik harrapatu txistua eskuan. Gaur euskalkultura.com-en agertu da bitxikeria. Aita Martxel meza ematen, eta elizkizunaren momentu batean, apaiza bera, gazte batzuk lagunduta, txistua jotzen.
Chinon, Kalifornian, ari zen apaiz txistularia, Estatu Batuetako euskal komunitatearen ospakizun batean.