Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Dantzing / Kilimon haranan barrena, erreka sikuaren ondotik pasiadan

Dantzing

Kilimon haranan barrena, erreka sikuaren ondotik pasiadan

Oier Araolaza 2009/09/23 23:48
Mendarotik abiatuta ibilbide lasai eta ederra egin daiteke Kilimon erreka zenaren arrastoaren ondotik. Batzuetan nahiko urrutira joan izan gara horrelako tokien bila, eta orain gutxi aitak erakutsi digu etxe ondoan ere baditugula horrelako toki ederrak, adibidez, Kilimon harana.
2009-09-06_Kilimon-Aranean-oinez_OA 012

Mendaron, Garagarza auzoan, ospitalaren azpialdetik abiatzen da bidea. Bailara estu-estua da Kilimon harana, mendiak gain-gainean daude eta batzuetan badirudi arroilla bihurtuko dela aurrerago. Baina zuzen eta estu, bailara luze eta berdea da Kilimon.

Kilimon Arana map

 

Bitxiena erreka-zuloa da. Izenez oso ezaguna genuen Kilimon eta erreka txukuna espero genuen, baina erreka-zuloa erabat lehortuta dago, belarra eta harriak baino ez dira ageri. Badirudi oso ur iturri garrantzitsua dela erreka hori Debabarrenarako eta ondorioz, bere ur jarioa hodietara bideratu dutela, erreka bera erabat sikatu arte. Pentsatzekoa da garai batean amurrain eta abarrekoak izango zirela bertan, eta inguruko ortu eta animalientzat ura izatea funtsezkoa izaten dela, baina... etxeko kaniletan ere ura nahi izaten dugu eta nonbaitetik hartu behar.

2009-09-06_Kilimon-Aranean-oinez_OA 008

 

Apenas malkar handirik gabe, poliki-poliki goraka doa bidea, lehen hiru kilometroetan asfaltatuta eta hortik aurrera lurra eta belarrarekin. Azken tramoan goruntz egiten hasten da eta jarraituz gero Larraskandara iritsi daiteke, ia konturatu gabe. Ea hurrengoan harako bidea egiten dugun, gogoz geratu nintzen eta.

2009-09-06_Kilimon-Aranean-oinez_OA 033

 

Bidean bertan karobi bat, garai batean karea egiteko erabiltzen zen labe horietako bat, topatu genuen.

2009-09-06_Kilimon-Aranean-oinez_OA 037
oier
oier dio:
2009/09/24 12:14

Kontxo, orduan igual errekia bere kasa desagartzen da errekazulotik batzuetan eta gero hurrengoan berriz agertu? Kuriosua benetan. Baina lojikuagua iruditzen jata depositora kanalizatziaren ondorioz sikatu izana baino. Kobekin ez giñan konturatu ez. Zulo bat ikus genduan bide ondoan, baina ezta imajinau bez sakona izan leikianik.

oier g
oier g dio:
2009/09/24 10:22

Ba nik esango neuke erreka hori beti egon dala halan, "trop plein" izeneko fenomenuan eragiñez: http://es.wikipedia.org/wiki/Trop_plein Kilimonen rekorriduan, ez dakitt fijauko ziñazien, koba bi dagoz. Bata errekazuluan bertan (ur denporetan, bertatik ura urtetzen hasten da, 30 bat litro segunduko) eta bestia zelai baten bestekaldian (burdin sare batez itxitta, akuifero haundixetara sartu leike handik). Dana dala neria sospetxia da bakarrik, baiña seguro Akerzulo (Deba) edo Arantzadi (Donostia) taldietako espeleologuak ondo dakixela hori.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Dantzing

Hitzen eta gorputzen dantza

Oier Araolaza Arrieta (Elgoibar, 1972) Dantzaria naiz. Kazetaritza eta Antropologia ikasketak egin ditut, ETBn eta Elhuyar-en egin nuen lan, eta azken urteotan dantzaren komunikazioan eta kudeaketan ari naiz buru-belarri dantzan.com elkartean. Eibarko Kezka dantza taldea dut bigarren etxea eta Donostiako Argia dantzari taldeak argitzen dit bidea.  <eibartarrak> posta zerrendaren bidez Interneti zukua ateratzeko aukerak ikasi eta dantzaren alorrean aplikatzen saiatu naiz. dantzan.com izan da ahalegin horien ondorio nagusia, euskal dantzarien informazio gune bat. Gaur egun dantza eta generoaren inguruko ikerketa lanean ari naiz EHUn Mikel Laboa Katedraren babesarekin, eta Dantzertin euskal dantzako eskolak ematen ditut.

Blog honetako testuen lizentzia: Creative Commons by-sa

twitter