Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Dantzing / Atzerritarrak Coliseuan

Atzerritarrak Coliseuan

oier_a 2007/10/16 10:38

Luzaruan egon gera Coliseua zabaldu zain. Azkenian allau zan eta badira hillabete batzuk teloia altxatu zabala barriz. Hainbeste urteren ostian hasi gera Eibarko erdigunian antzerki, musika eta zine-klub programaziño normalizau bat eukitzen. Dantzarik ez dogu aipatu, izan ere, momentuz herriko taldiak bakarrik ikusi ahal izan dira Coliseoaren oholtzan. Eta ez dira makalak! Ballet Eibarres eta Ipuruako dantza taldea aritu dira bertan guk dakigula. Juanita Unzuetak Rusiatik bueltan Ballet Eibarres sortu zabala 50 urte sortu dira aurten, eta Pili-ren eskutik bizi-bizi jarraitzen dau Urtzaile kaleko akademiak. Nerea Lodosak kiroldegixan be urtiak daroiaz dantza sustatzen.

Baina herrikuez aparte ez dogu dantzarik ikusteko aukerarik izan Coliseuan lehenengo txanpa honetan. Egin doguz ahaleginak baina…. Inauguraziorako hamen inguruko dantza talderik onena ekarri nahi genuan: Ballet Biarritz ekartzeko eskatu genetsan Udalari. Baiezkua eman eta tratua be egin genduan. Baina obrak atzeratu eta ezinezkua gertau zan. Udazkenerako laga eta orduan ere ez da posible izan. Oin Antzerki Jardunaldietarako anunziau dittue. Baiña ez jaku gustau nola. Atzerriko taldiak anunziau eta Ballet Biarritz aittatu dabe. Txotxo, miarritzekuak etxekuak dira guretzat! Eta ez da Donostiako dantzariren bat tartian dakelako, edo gaztien baleta Donostian dakelako, edo Eibarren etxian moduan dantzatuko zabela esan zigutelako bakarrik. Ez, telefonoz deitu, euskeraz erantzun eta tratu guztiak euskera hutsin egin genituelako. Ez dira atzerritarrak ez, atzerrira deitzen dozunian ez detsue euskeraz hitzegiten eta.

Enrike Izagirre eta Oier Araolaza

etiketak:
mikelue
mikelue dio:
2007/10/20 11:55

Baina orrela dau herria. Galdakon, urte askotan antolatu ostean, Andra Marik, ta beste Elkarte Euskaldunak, Galdakoztarren Eguna sortu genun. Lehenengo urtean beskarian 200 pertsona bildu gintzezan, hurrengoan 500, iaz 800, baina hainbat eta hainbat jende kanpoan gelditu zan. Aurten Udaletxeak 500entzat baino ez dau baimenik emon. Tikeak ordu baten saldu ziren guztiak, ta noski, galdakoztarrak oxti onean jarri gintzezan. Egun orretan beti antolatzen doguz, trikitilariak, albokariak, erromeriak, pelota partiduak, ardi txakurren txapelketak... azken baten Galdakoztarren Egun euskaldun bat. Nondik nora aurten motorran exibizioa, extremeñoen saioa, bailableak, ta kriston farabundak sartu dauzkuez udaletxetik. Konplejuz betetako herri bat gara, ta agintariak gehiago. Hainbeste autodeterminazio, ta hainbeste oxti, baina eguneroko lanean, hemen prakak dindiliske daroatzuez. Galdako moduko herri baten, Galdakoztarren Egunan be ezin bagara autodeterminatu, ze oxti eingu datorren urteko Urrian???? Por tzierto, nik uste dot, ez naz ondo gogoratzen, baina ziur nau, jaio ta segidan, autodeterminatu nintzela. Amari esan neutzen Euskalduna nazela, ta haren poza!!!!!!!!!

Josu
Josu dio:
2007/10/16 20:22

Gure herrian Alcorcon Biarritz baino hurbilago sentitzen dute batzuek.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Dantzing

Hitzen eta gorputzen dantza

Oier Araolaza Arrieta (Elgoibar, 1972) Dantzaria naiz. Kazetaritza eta Antropologia ikasketak egin ditut, ETBn eta Elhuyar-en egin nuen lan, eta azken urteotan dantzaren komunikazioan eta kudeaketan ari naiz buru-belarri dantzan.com elkartean. Eibarko Kezka dantza taldea dut bigarren etxea eta Donostiako Argia dantzari taldeak argitzen dit bidea.  <eibartarrak> posta zerrendaren bidez Interneti zukua ateratzeko aukerak ikasi eta dantzaren alorrean aplikatzen saiatu naiz. dantzan.com izan da ahalegin horien ondorio nagusia, euskal dantzarien informazio gune bat. Gaur egun dantza eta generoaren inguruko ikerketa lanean ari naiz EHUn Mikel Laboa Katedraren babesarekin, eta Dantzertin euskal dantzako eskolak ematen ditut.

Blog honetako testuen lizentzia: Creative Commons by-sa

twitter