Urtebete
Gaur urtebete bete du Izarrek. Poza, ilusioa eta ardura nahasten zitzaizkigun orain urtebeteko egun hartan
Azkar demonio pasa da urtebetea, eta azkar hazi da Izar ere. Izarrek gure artean egin duen urtebete honetan zer ekarri digun hitz batean laburbildu beharko banu oso erraza izango nuke: alaitasuna.
Berehala ireki zituen japoniar trazako begiak eta hatzamarrakin toki guztietara seinalatuz bere jakinminak eta bizipozak kutsatu gaitu. Ez da batere negartia, eta bai ausarta edo ero samarra. Baina batez ere alaia da. Ia goizero ikastolara joateko esnatu behar izaten dugu, baina inoiz ez du goiz txarrik, beti irriparre eder batekin egiten baitigu ongietorria.
Eskerrikasko Izar!
Nere inguruan ere badabil "txinita" bat. Hala deitzen diot nik tarteka.
Zorionak, bi altxor horrengatik! Izar, eta alaitasuna!