Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Dantzing / Inauteri goiztiarrak

Inauteri goiztiarrak

oier_a 2005/01/06 20:45

Aurten goiz datoz inauteriak, otsailaren 8an da inauterietako asteartea, eta otsailaren 5ean inauterietako larunbata. Ondorioz ospakizunen pilaketa gerta daiteke hainbat tokitan, Santa Ageda, Kaldereroak eta Inauteriak denak aste buru berean pilatu daitezke eta.

Kalderero-donostia.jpg

Baliteke toki batzuetan gauza batzuk aurreratzea hori saihesteko. Eguberrietatik atera eta gain-gainean ditugu inauteriak eta horrek prestaketa lanetarako tarte txikia uzten du.

Lizartza-oilasko-biltzea.jpg

Aurrekoan lagun batek esan zidan ezinezkoa dela hain goiz izatea inauteriak, inoiz ez dela hain goiz izan. Baina oker zegoen. Izan ere oraindik goizago ere toka daiteke. Adibidez, hiru urte barru, 2008an, dena batera tokatuko da. Hau da, inauteri larunbata otsailaren 2an izango da, kandelaria egunean! Dena batera beraz: Hartza zulotik atera, kaldereroak iritsi, Santa agedako koplak kantatu, inausi, mozorrotu, santa eske, oilasko biltze eta hamarreko biltze guztiak batera jaso, bazkaldu, afaldu eta edan, eta konturatu orduko garizuma da.

Lizartza-inauteriak.jpg

Inauterien kalkuloa nola egiten den azaltzeko artikulu bat prestatu genuen orain urte batzuk data hauek iritsi ahala bisita dezente izaten ditu.

etiketak:
mireia
mireia dio:
2006/01/31 18:04

njvgfhr e76sp

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Dantzing

Hitzen eta gorputzen dantza

Oier Araolaza Arrieta (Elgoibar, 1972) Dantzaria naiz. Kazetaritza eta Antropologia ikasketak egin ditut, ETBn eta Elhuyar-en egin nuen lan, eta azken urteotan dantzaren komunikazioan eta kudeaketan ari naiz buru-belarri dantzan.com elkartean. Eibarko Kezka dantza taldea dut bigarren etxea eta Donostiako Argia dantzari taldeak argitzen dit bidea.  <eibartarrak> posta zerrendaren bidez Interneti zukua ateratzeko aukerak ikasi eta dantzaren alorrean aplikatzen saiatu naiz. dantzan.com izan da ahalegin horien ondorio nagusia, euskal dantzarien informazio gune bat. Gaur egun dantza eta generoaren inguruko ikerketa lanean ari naiz EHUn Mikel Laboa Katedraren babesarekin, eta Dantzertin euskal dantzako eskolak ematen ditut.

Blog honetako testuen lizentzia: Creative Commons by-sa

twitter