Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Wazemank ala Noaoa?

Wazemank ala Noaoa?

Xabier Mendiguren 2008/01/14 14:04

Nire blogaren irakurleok ez dut uste Euskal Herriaren lagin estatistikoa osatzen duzuenik, eta erantzuna uzten dutenak are gutxiago izaten dira, baina, hala ere, inkestatxo bat egin nahi nuke zuen artean, nahi duenak erantzun dezan: zein duzue nahiago, Wazemanak ala Noaoa?

Neure iritzia azalduko dut hasteko. Wazemank ikusi nuen lehen egunetik izugarri gustatu zitzaidan, eta geroztik ahal nuen guztietan ikusten saiatu nintzen. Arrazoi askorengatik, eta, batez ere, ondo pasatzen nuelako. Patxi mekanikaria, Euskaltzaindiaren zalantza-zerbitzua, Rufinoren apustuak, Tolosa eta Euzkitze...

Noaoa ikusi nuen lehen aldian zapuztuta geratu nintzen. Produktu eskasa iruditu zitzaidan, grazia gutxikoa. Ez gustatze horren arrazoien bila hasi eta merkezurrean ibili ote diren iruditu zitzaidan: esketxak urritu egin dira eta aurkezpen-platoan bertan egindako solasaldiz osaturik dago orain saioa: Iraolarekin telebistaz, Padagizabalekin gauza "paranormalez", famatu-imitatu-gonbidatua ere bertan. Bestalde, Euskal Herri osorako egiten den saioa izaki, txokokeria areagotu egin dela esango nuke: Zarauztik Villabonarako ardatza duela hizkeraz nahiz erreferentziaz, Azpeitira eta Hernanira erpin bana luzatuz laukia  osatzeko.

Hala ere, programaren alde esan dezadan kontzepzio berri bat izan litekeela, ikusleak bertan daudenez haiek entretenitzeko, eta berritzea beti dela ausardia-seinale, nahiz eta beti asmatu ez. Gainera, "Villabona konexion" atal kostunbrista-surrealistarekin edo Koldo Errazti Hirugiyair-eko managerrarekin barre ederrak egin ditut inoiz edo behin.

Beraz, nostalgiak nostalgia, aurrera egin dezala Noaoa-k.

 

 

 

Apostata
Apostata dio:
2008/01/15 02:02

Oraindik ezin izan dut Noaoa osorik ikusi, arrazoi logistikoak direla medio. Baina ikusi dudana ez da Wazemanken itzalera ere iristen, nire uste harroan ;-)

irati
irati dio:
2008/01/15 12:07

Wazemank dudarik gabe, faltan botatzen ditut Arregitarrak, telebista aurrean esertzen zen familia (baita beraien auzoko sorgina ere!), eta bereziki Euskaltzaindiaren Arazo Argiketa Zerbitzua, ze ona!!

Sigi
Sigi dio:
2008/01/15 12:58

WAZEMANK hobea, klaro.

Halere, NOAOAN azkenaldian ikusi dudan gauzarik onenetako bat ikusi dut: PUTAKUMIA pertsonaia. Ez du Monthy Pyton-en inbidiarik.

Portzierto: Alkaini "politika", "errealismo" gehiago sartuko nahi zutela saio berrian entzun nion elkarrizketa batean... AHTaren aipamen xumea eta txapeloker inutilletatik aparte, gauza gutxi... Vaya Semanitaren antzeko tendentzialismoz jositako sasiproduktu euskaldunik ez dugu nahi, baina gatz apur bat igual bai

xipri
xipri dio:
2008/03/07 01:49

azkenean norbaitek jarri du youtuben ;)

http://www.youtube.com/watch?v=H9cA6NL-KUE

lur
lur dio:
2008/01/15 12:58

Behin baino ez dut ikusi Noaoa baina zalantza izpirik gabe nahigo Wazemank.

Ander
Ander dio:
2008/01/15 12:21

Duda barik Wazemank!

Bestalde, gazteleraz gag batzuk egotea ez zait gaizki iruditzen gidoiak horrela eskatzen badu. Goardia zibilen istorioaz ari naiz. Nork sinestuko luke gag hori goardia zibilek euskara egingo balute?

alfredo
alfredo dio:
2008/01/17 19:28

Guztiz ados, nabariegia aldea Noaoaren kaltetan. Susmoa dut ea aurrekontu jeitsiera egon den tartean, esan nahi dut askoz lan gehiago (beraz, produzio-gastua handiagoa) dakar kalean, kanpoan grabatzeak plato edo estudio (barruan) baino. Eta diru-arazoa ez bada izan, beste azalpen alternatiboa izan daiteke aldaketa, aldatu aldatu behar delako, baina hori balitz zioa ba azkarregia, ze pertsonaje askoren arrakasta puri-purian zebilen (Gure atsoak, Euzkitze-Tolosa eta beste hainbat). Ikusleak aspertzeko beta eman gabe bidali dituzte. Aktoreen aldetik nik uste -pena handiz- ahal dutenaren azpitik dabiltzala orain, lehen erakutsi zuten hamaika pertsonaia eta gag aberatsagoak sortzeko gai direla. Eta telesaioei buruzko esketxak edo "metatelegag"ak, hitz batez, aspergarriak, soberan. Onenak, aktoreak eurak. Aupa Alkain ta konpaini!!

nahikari
nahikari dio:
2008/01/18 22:16

ba niri gustatzen zait noaoa, ze mania degun dena konparatzen,beti bat edo bestea, nik lehen parre egiten nuen eta orain ere bai, Atxaga the Po oso ona da, Irugiair ere bai,billabonakoaren bitxikeriak ere oso gustoko ditut eta telebistako parodiak ere bai...

Amatiño
Amatiño dio:
2008/01/14 19:34

Batere zalantzarik gabe, Wazemank dezente hobea.

leire
leire dio:
2008/01/15 16:47

Epa, Xabier! Zurekin bat nator, gauza guztietan; batez ere hizkuntza-euskalki tratamenduan. Ni Noaoa-rekin aspertu egiten naiz, eta zapping egiten amaitzen dut. Penagarria!

Gari
Gari dio:
2008/01/14 18:24

Ni ados, Xabier.

Beste konplikazio batzuk direla eta, ez dut lortu oraindik Noaoa osorik ikustea, baina atzo lotsagarri iruditu zitzaidan esketx baten zati gehiena (Guardia zibilak geratutako bat autoarekin eta abar) edo osoa gaztelera hutsean izatea. Badakit moldaketarekin galduko zuela, baina nahiko surrealista zen ETB1en txoritxoa ikusi eta hiru morroi jo ta su gaztelaniaz ikustea.

ander
ander dio:
2008/02/06 12:26

interneten putakumiaren abestia idatzi!!!!

xiber
xiber dio:
2008/01/15 12:28

Zalantza izpirik gabe, Wazemank. Noaoa behin ikusi eta gustatu ez. Itxaropena banuen, baina porrota iruditzen zait, are gehiago blog honetan niri iritziarekin bat datozen asko ikusi eta gero.

Edorta Agirre
Edorta Agirre dio:
2008/01/15 12:15

Umorea sortzea eta jogurta fabrikatzea arras desberdinak dira. Lehengai eta teknika onak baliatuz gero, jogurt denak berdinak eta irensgarriak merkaturatuko dira. Txiste, broma eta antzekoek,aldiz, ez dute bermatua plazaratze arrakastatsu hori eta, beraz, zapore-indartzaileaz jantzi behar da produktua, inoiz (edo errepikatu ohi den) neurrigabeko karikaturaz, alegia. Bestetik, erdaldunek ETB erdaldunentzat egiten dutenez, euskaldunon denbora-pasan diruak xahutzeari kaltegarri deritzotenez, doan egin behar omen dira (egin behar al dira?) euskaldunentzako telesaioak. ETB1en espainieraz bakarrik mintzatzeaz aritzeaz, bukatzeko, beste batzuk ere horrela aritzen dira; ETB2n, aitzitik, euskarazko hitzik edo euskal kulturari buruzko aipamenik ez da kabitzen.

Aitor Lizardi Ituarte
Aitor Lizardi Ituarte dio:
2008/02/18 20:47

Neri askoz geixo gustatzen zat noaoa. Askoz barregarrixo. Wazemank ondo zauan, baina azkeneako kantzau etxen zoan, beti berdina iruritzen zaten, da gainea, dana esketxak dana esketxak... Ondo zauan baina Noaoa hobio da, bariedade geixo. Wazemankekin ezta konparau bihar, noaoa oso desberdina da ta. Noaoa geixo da programa bat platokua, presentaziuakin da hola. Wazemank, ustea, ez zan holakua. Geixo zan esketxakin eindako saio bat, ez platokua. Ni neretzako, Noaoa politxo, diferentio, Alkain da kuadrila honek bihar zoana. Honekin eztet nahi esan Wazemank eskasa zanik e, bakarrik noaoa hobio dala, wazemanken "eboluzio" ear bat. (Batenbatek ez al deu ulertzen nere hitz etxeko eria?)

Jozulin
Jozulin dio:
2008/01/15 00:05

Nire ustez Wazemank-en gidoietan oinarritzen ziren gehiago esketxak eta Noaoa-n esketxaren "grazia" lotuago ikusten dut aktorearen berezko "grazia"ri. Esketx gutxiago eta "zuzeneko" gehiago ere nabaritzen da. Susmatzen dut, gainera, inprobisazio handiagoa darabiltela orain. Barre, bietan; arean gehiago Wazemank-en.

Nahikari
Nahikari dio:
2008/01/16 01:47

Duda barik Wazemank askoz hobea zen. Oraingoa soso samarra da.

http://www.goiena.net/blogak/marijo
http://www.goiena.net/blogak/marijo dio:
2008/01/15 22:05

Jozulinek dioenari jarraituz, zuzenekoan ari diren gogo horrekin inprobisazioa igarri egiten da; igande honetako saioan Pagadiri bere izenagatik deitu zion Alkainek, egiten ari zen maritxu berritxuaren izena esan barik eta ohartu zenean, horretan jarraitu zuen, "naturalago" edo. Hala ere, Wazemanken ateratzen ziren pertsonaia batzuk faltan botatzen ditut nik; aukeran, horietako batzuk birziklatzeko proposamena egingo nieke Alkaini eta bere lan taldeari.

Brad Gerlatx
Brad Gerlatx dio:
2008/01/15 11:51

euskaldunon joera tipikoa: harekin ala bestearekin. Toloxa ta Donoxtik burua altzako balute...

gurutz jauregi
gurutz jauregi dio:
2008/02/20 00:59

guztiz ados aitor lizardikin

Toloxa
Toloxa dio:
2008/01/15 12:48

Gabon pilotazaleok! noraoa arras eskasa iduri nau.

Ander
Ander dio:
2008/01/15 01:21

Niri ere arraro lehenbizikoan, esan dezun bezela Pagadiren gauzekin egiten dut farre, non dagoen eta zer egiten duen konturatzen den bakarra eroetxe hortan,badirudi pixkanaka zeozer ikusten dela, badaude ideia okurrenteak

Baniek
Baniek dio:
2008/01/17 16:58

Behin baino ez dut ikusi Noaoa, eta ez dut esango aspertu egin nintzela, baina ez ninduen Wazemank!ek bezala harrapatu. Behar bada, gehiagotan ikusita...

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.