Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Nire bizitzako egunik onena

Nire uste harroan

Nire bizitzako egunik onena

xme 2012/07/06 15:40
Deirdre McCloskey ekonomilari estatubatuarrari ez diot orain arte ezer irakurri; orain dela gutxi arte haren izena ez nuen ezagutu ere egiten; eta hala ere, pertsona interesgarria eta berezia dirudi; besteak beste, diru kontuetan ez ezik filosofian eta literaturan jantzia delako, edo 1995 arte Donald zelako haren izena.

Deirdre McCloskeyri buruz gehixeago jakiteko wikipedian begiratu dezakezue: http://es.wikipedia.org/wiki/Deirdre_McCloskey eta informazio eta irakurgai mordoxka aurkituko duzue egilearen beraren web ofizialean: http://www.deirdremccloskey.com/

Nik, berriz, aurreko batean kontatu zidaten pasadizo bat jasoko dut hemen, McCloskey irakaslearen bizitzaz gain, beste kontu batzuez ere jakingarria delakoan.

Kontatzen du Deirdrek, bere genero-aldaketa gauzatu eta Deirdre zenean dagoeneko eta ez Donald, bere arloko bilera akademiko batean suertatu zela, mahai baten bueltan hainbat aditu bildu zituena. Une batean ideia on bat izan zuela pentsatu omen zuen, eta bere lankideei jakinarazi; hala ere, inork ez omen zion jaramonik egin. Handik puska batera, beste bilerakide batek (gizonezkoa bera) ideia berbera bota omen zuen, eta orduan taldekoen jarrera izan omen zen: "Bai ideia ona! Horixe egin behar dugu!".

Deirdre McCloskey-k hauxe komentatu zuen (ez irri ironiko bat erantsi gabe, imajinatzen dut): "Huraxe izan zen nire bizitzako egunik onena, zeren azkenean sentitu bainuen nire kolegek emakumetzat hartzen nindutela, ondorio guztiekin".

Elena
Elena dio:
2012/07/08 10:03
Lagun neska batek aspaldi esan zidan aspertuta zegoela asanbladatara joaten, azkenean gizonen batek beti azaltzen zuelako aurretik neska batek pribatuan kontatutako ideiaren bat. Eta jende guztiak txalotu. Orain ia ez dago asanbladarik.
Ondo blog perpiztua!
Elena
Elena dio:
2012/07/08 10:03
Lagun neska batek aspaldi esan zidan aspertuta zegoela asanbladatara joaten, azkenean gizonen batek beti azaltzen zuelako aurretik neska batek pribatuan kontatutako ideiaren bat. Eta jende guztiak txalotu. Orain ia ez dago asanbladarik.
Ondo blog perpiztua!
Antonio
Antonio dio:
2012/07/16 23:12
Sarrera hau berrirakurtzen akordatu naiz Tiresiasekin. Wikiarekin jarraitzearren (http://es.wikipedia.org/wiki/Tiresias), antzinako mitologia grekoaren arabera Tiresias igarleak historiako lehen genero-aldaketa burutu zuen, arratik emera eta bueltan. Gero, eskarmentu horretan oinarrituta, deklaratu zuen sexu kontuetan emeak hamar aldiz gehiago gozatzen zuela arrak baino (hortaz Hera jainkosak itsutu egin zuen, sekretua argitzeagatik edo;-). Bada, Tiresias hau transexualen santu patroi laikoa izateaz gain, elebidunon babeslea ere delakoan nago: bi hizkuntza dakizkitenak soilik dakitelako zein atsegina den batetik bestera mugitzea.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.