Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Komikian ere autofikzioa modan?

Nire uste harroan

Komikian ere autofikzioa modan?

xme 2016/02/25 08:57

Azkenaldian komiki dexente irakurtzen nabil, lehen ez bezala. Ezer baino lehen aitor dezadan ezjakin hutsa naizela komiki kontuetan. Marrazkiak eta istorioak betidanik gustatu zaizkidan arren, ez diot kasu handirik egin biak batzen dituen arteari. Azken asteetan bai, ordea.

Ez daukat metodorik zer irakurri hautatzeko. Liburutegian aukera zabala dago, eta nire begiaren gustuz zein han-hemen entzudako aholkuz hautatzen ditut, nahiko aliritzira. Hortaz, esan behar dudana oker balego, barka nazate adituek.

Kontua da, aspaldi honetan irakurri ditudan komiki liburuetan (nobela grafikoetan, nahiago baduzue) kointzidentzia nabarmen bat ikusi dudala: "Fun home" Alison Bechdel-enak, "El arte de volar" Altarriba eta Kim-enak eta "La casa" Paco Rocarenak, hirurek dute erdigunetzat, beste gauza askoren artean, artistaren aita.

Azkenaldiko moda bat da? Nire aukeraketaren txiripa? Literaturan bezala gorantz doan joera? Ez daukat erantzunik. Baina bai esan dezaket aipatu ditudan hiru lan horiek merezi dutela, merezi dutenez.

Asier Sarasua
Asier Sarasua dio:
2016/02/25 12:44
Baliteke komikietan ere autofikzioa modan egotea, baina esango nikek (gure kasuan), komiki mota baterako joera ere izatea. Manga eta superheroiak ere hortxe zeudek, baina guk Paco Roca eta Alison Bechdel aukeratzen dizkiagu ;)

Bide batez, Roca eta Bechdel aipatzen ditudanez, (eta ez badituk irakurri), beste hauek ere erabat gomendagarriak (hauek ere autofikzio ikutudunak): Rocaren "Los surcos del azar" (eta "Zimurrak" superezaguna), eta Bechdelen "Lo indispensable de unas lesbianas de cuidado".


Asier Sarasua
Asier Sarasua dio:
2016/02/25 12:48
Hik aipatzen dituan biak (Fun home eta La casa), oraindik irakurri barik, baina irakurgaien zerrendan.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.