Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Ez dakit itxaroten

Nire uste harroan

Ez dakit itxaroten

xme 2004/10/18 10:32

Ez dakit itxaroten
Ez dut ikasi ezer egin gabe lasai egoten
Zerbait behar esku artean
Besterik gabe zain egon behar baldin badut.
Beste batzuek zigarroari heltzen diote halakoetan
Zerbait egitearen eta ezer ez egitearen arteko ekintza perfektua
Baina horretan ere ez dakit nik.
Liburu bat izten dut horrelakoetan lagun onena
Edo paper muturren bat irakurtzeko liburuen faltan
Eta ez libururik ez paper xarrik ez baldin badut
Neronek idatziko dut poema antzeko bat
Besterik ezean.

etiketak: Sorkuntza
Petrus
Petrus dio:
2004/10/18 22:28

Zapian jauna erabat zuzen da. Zure egonezin eta ezin soseatu hori gabe euskal kulturak orokorrean eta literaturak partikularki dexente galduko luke beraz espero dut luze jotzea zure gaixotasun horrek. Beste batzuk okerrago gaude, azken aldian ez ganorazko ezer irakurri (eguna egunkaria demonioak letzen pasatzen zaigu), ez idatzi... nahiago hiperaktibotasunak joa izatea paralisiak baino. Segi zurean eta aberastu euskal plaza luzaroan. Joder, ilun xamarra atera zait oharra.

markos zapiain
markos zapiain dio:
2004/10/18 20:57

baina sufriarazten dik, ezinegon horrek?

zer gertatuko litzaiake, hire nortasunaren alderik bereziena eta ikustgarriena den hori, euskal literaturari hainbeste mesede egin diona, "sendatuko" bahu?

ez huke idatziko?

edozelan ere, urduri bahago telefonoz deitu eta kontatuko diat izkirimiri barregarriren bat

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.