Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / If a were a richman

If a were a richman

Xabier Mendiguren 2006/05/24 12:45

...du-dubi-dubi-dubi-dubi dubi-dubi-dubi-da!

Noizean behin ikusi izan dut aberats okitu horietako baten heriotzaren berri, lau-bost enpresatako administrazio-kontseiluetako eskelak izan ohi dituena. Bada, horien paretsu sentitu ohi naiz ni urtero maiatz amaiera alde honetan.

Izan ere, kukuaren kantua bezala, urte-sasoi honetakoa izaten da enpresa pribatuetako akzionisten batzarra, legeak urtean behin egitera behartzen duena, eta niri hiru bat bilkuratarako hitzordua ailegatu ohi zait, formalismo eta formalidade guztiarekin eginda.

Noski, teilatu gaineko biolinjoleari bezala, ahazten zitzaidan enpresa horietan dirua jarri bai, jarri genuela, baina ez bueltan dibidenduak eta erosteko eskaintza publikoak eta ez dakit zenbat ehuneko irabaziak lortzeko. Gure herri eskastu eta zapaldu honi aurrera egiten laguntzeko aletxoa jarri nuen, beste askok bezala, eta pozik ikusten dugu proiektu horiek aurrera doazela. Zailtasunekin, baina aurrera.

Ez da aberastasun makala.

etiketak:
joxepa
joxepa dio:
2006/05/25 14:42

Nahiko lukete richmen horietako askok, euskaldunok orain arte izan dugun altxor hori izatea. Orain, nire kezka zera da: gai izango al gara hogeitabatgarren mende honetan ere bide beretik jarraitzea? Hau da, globalizazioaren garai hauetan munduan eraikitzen ari den gizarte indibidualista, kontsumista eta insolidarioaren atzaparretatik libre al gaude? Lan handia daukagu etorkizuneko belaunaldiak idealen aberastasunean hezitzen.Eta horretarako helduok ezinbesteko erreferente gara, bakoitza bere lanetik, bere etxetik, bere auzotik, bere herritik, akziodun izan ala ez, ekimen altruista horietan gure aportazioa eginez, poltsikoak beharrean gure izatea aberastuz.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.