Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Kutixia guztiak ematen dizkio

Nire uste harroan

Kutixia guztiak ematen dizkio

xme 2006/05/10 09:01

Bilbo aldean nenbilen, eta, autoa ahal nuen tokian utzita, batetik bestera trenez mugitzea erabaki nuen. Bagoia bete samarrik, eta ezin saihestu aldamenekoen solasa entzutea.

Bi emakumezko, bata berritsua eta bestea isila. Kalakaria hor ari zen, bere etxeko kontuak gora eta behera:

"... ta nire senarra beldur da, nola lanetik berandu etortzen den eta gutxi ikusten duen, ez duela maiteko. Eta orduan zer egiten du? Kutixia guztiak eman: orain patata frijituak, gero ez dakit zer... Nik, ordea, komeni zaiona bakarrik, eta bere orduetan. Bestela, noski, gizendu egiten da eta..."

Ama baten kezkak, pentsatuko duzu, nik pentsatu nuen bezala. Handik gutxira, baina, ohartu nintzen umea ez baina kumea zuela mintzagai, txakurkume bat alegia.

etiketak: Saski Naski
matxalde
matxalde dio:
2006/05/10 11:54

Arin irakurri dut, eta, noski, gaizki ulertu. "... ta nire senarra beldur da, nola lanetik berandu etortzen den eta gutxi ikusten duen, ez nauela maiteko". Horixe ulertu dut. Senarra miopea, nekatuta etortzen dela eta "beste hortararako" gogorik gabe. Zerbaitek fallatzen zuelakoan, bigarrengoan ulertu dut. A!, Xabier, eta metroan ba al da metrosexualik?

matxalde
matxalde dio:
2006/05/10 11:53

Arin irakurri dut, eta, noski, gaizki ulertu. "... ta nire senarra beldur da, nola lanetik berandu etortzen den eta gutxi ikusten duen, ez nauela maiteko". Horixe ulertu dut. Senarra miopea, nekatuta etortzen dela eta "beste hortararako" gogorik gabe. Zerbaitek fallatzen zuelakoan, bigarrengoan ulertu dut. A!, Xabier, eta metroak ba al da metrosexualik?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.