Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Txintxoak eta gaiztoak

Txintxoak eta gaiztoak

Xabier Mendiguren 2006/04/27 14:03

Izaten dira ba lagun batzuk, inon zurekin egokitzen badira guztiz jator eta atsegin azaltzen zaizkizunak, eta gero urtetan kasurik egin ez? Halako sentipen bat izan nuen atzo Euzkitzeren "Kalaka" saio berria ikusten hasita.

Sakabanatutako presoei bisitan joaten direnei buruzko erreportajea eman zuten, txukun eta arretaz egina, Jaengo joan-etorri bat kontatuz. Eta burura etorri zitzaidan antzeko bat ikusia ote nintzen... Bai noski! 1998an, Lizarra-Garaziko su-eten garaian.

Hortaz, milaka lagunek astero-astero egiten duten erromeriaz ezin da hitz erdirik egin burniak sutan dauden artean. Armak isilduz gero humanitarioak izango gara, bestela ez. Zer da hori: politika informatiboa, ala informazioaren politizazioa?

Horren ondotik, berriz, ETAk hildako bi lagunen alargunak agertu ziren; ez dezatela esan gaiztoei gorazarre egiten diegunik, badaezpada gaiztoen gaiztakeriak gogoraraziko ditugu berehala...

Ez naiz luzatuko ordea, gaizki-esaka bukatuko nuke-eta. Eta garai honetan ez da halakorik komeni, ezta?

etiketak:
Josu
Josu dio:
2006/04/29 22:30

Gaiztoen eta onen gaiari helduz: nire irudipena izan zen edo hasieran Euzkitzek biktimak eta borreroak bezala aurkeztu zituen?

Bestalde, teknikoki, saioa negargarria: Piztu bako mikrofonoak, sartzen ez ziren bideoak...

Hala ere, gauza zenbait konponduz gero, saio txukuna atera daitekeelakoan nago. Noizko Xabier tertuliakide?

Magabila
Magabila dio:
2006/04/28 19:10

Non da "gaztelako bat"?

gorka
gorka dio:
2006/04/28 01:21

Antzeko zerbait esan liteke gonbidatuez ere. Pako Aristi aspaldiko partez telebistan ikusteak poztu egin ninduen, egia esateko. Zergatik ez ote dute kultur munduko jende gehiago gonbidatzen horrelako saioetara?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.