Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Norberaren hiletak eta aurrerantzeko planak

Norberaren hiletak eta aurrerantzeko planak

Xabier Mendiguren 2005/07/18 09:45

Aurreko batean aipatu nuen Andoni Egañaren ipuin bat, "Hil-kanpaiak", non protagonistak hildakoaren itxurak egiten dituen, han eta hemen botako dizkioten lore eta laudorioak entzutearren. Nik ere antzeko zer edo zer egin dudala esan liteke: despedida iragarri, jendearen maitasun-mezuak jasotzearren. Eskerrik asko denoi, beraz.

Baina hemen nago. Ez naiz inora joan, ezta oporretan ere. Oskorriren abesti hark zioen legez, "guretzat berdin dira, astea eta jaia".

Orain arte aipatu ez dudan kontu bat aitortu beharko dizuet: urtean zehar blogean ateratako lanekin liburu bat osatu dut, "Egunen harian" izena izango duena eta udazkenean kaleratuko dena, Elea argitaletxean. Aldi bat itxi behar nuen, beraz, eta berri bat hasi: hemendik aurrera, "Paper jalearen dieta". Hortixe jaten dudalako batik bat, eta dietarioak esaten zaielako eguneroko gorabeherak apuntatzen diren liburuei.

Orriak duen itxura ederra, Maite Rementeriari zor zaio: mila esker zuri, Maite, beste behin ere.

etiketak:
Apostata
Apostata dio:
2005/07/18 12:04

Iuffa!!

ze polita diseinu berria! Maite for presidenta!

Joxe Aranzabal
Joxe Aranzabal dio:
2005/07/20 14:18

Oso blog polita, Xabier. Zorionak, bada, zuri, eta zorionak Maiteri, lan bikaina egin du-eta.

Patxi
Patxi dio:
2005/07/18 14:00

Ba Xabier

Ondo estimatu nere erantzunak, sekulako hozkirrrrrrrrrrrrrria ematen baitit paperari koska egiteko sentsazioak.

Limoia aitatu eta ahoa listuz betetzen dan bezelaxe, halaxe neri irudi horrekin (oso polita baina)

Esandakoa. Nere erantzunak inoiz estimatzen badituzu, plus bat gehituiezu. Hozkirriaren gainetik pasa dan batena. Zure idatziak asko asko motibatzen nauten seinalea!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.