Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Nire uste harroan / Munduaren pisua nabari duzu betazaletan

Munduaren pisua nabari duzu betazaletan

Xabier Mendiguren 2004/07/22 08:53

(Bart egindako poema bat. Baten bat harrituko da, nik ez baitutu poemarik ez idatzi ez kaleratu joan deneko 20 urtean behintzat. Azkar konturatu nintzen laburra zela nire sen poetikoaren hegada, eta nahiago izan nuen prosaren oilo-lurrean mugitu. Eta orain? 40 urteko krisia izango da. Gaztaro galduaren minez egundokoak egiten omen ditugula-eta, ni poemak idazten ostera ere. Ez zait oso lirikoa atera hala ere, gauza bat baita txorakeriak egitea, eta beste bat seko txoratzea. Berriketak utzita, horra bart gauekoa)

Munduaren pisua nabari duzu betazaletan.

Egunaren nekea,

orduen joana,

egindakoen zama.

Eta hala ere zabalik eutsi nahi diezu betazalei,

hari batetik tiraka bezala eutsi nahi diozu

bizitzari,

egunaren leihatilak zabalik jarrai dezan.

Heriotzaren anaitzakoa izendatu zuen loa

poetak.

Bata aldi bateko eta bestea betiko, horra aldea.

Baina biek ezinbesteko dute garaipena.

etiketak:
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Xabier Mendiguren Elizegi

Xabier Mendiguren Elizegi dut izena. Beasainen jaio nintzen, 1964an. Filologoa naiz formazioz, editorea ofizioz, irakurlea afizioz, idazlea bokazioz, berritsua bizioz, euskalduna bedeinkazioz edo madarikazioz. Lagunen eskariei ezetz esaten jakin ez eta blog honetan idazten hasi naizenez gero, ea gauza naizen, egunen harian, nire giza kondizio horien inguruan bururatzen zaizkidanak kontatzeko.