Luistxo bideogile, historia penagarri bat
Luistxo Fernandez
2019/06/25 16:47
Ttap aldizkari digitalaren aurkezpena egin zen iazko udan eta kolaboratzeko aukera piztu zen ebentoan. Bost kolaborazio egin ditut jada, eta lehen hiruak bideoz eginak izan ziren. Bastante txarrak suertatu ziren, eta damutu naiz nire youtuber jardunaz. Baina bueno, nire blogean ere argitaratuak gera bitez.
Lehen bi bideoak 2018an argitaratu ziren: Hegoaldekoak ala Iparraldekoak izan zen lehena, eta gero Gabonetako espeziala etorri zen.
Hirugarrena, otsaileko, pixelazio fraktalarena. Ohartxo bat azken honetaz: kutsadura digitala agertu bezain misteriotsuki, desagertuz joan da bideoa agertu zenetik, seinale estralurtarrek nire bideoa ikusi zutela.
Jada bideo gehiago ez, baina jarraitzen dut kolaboratzen. Testuzko azken zutabea Ttap 37 alean argitaratu zen, Gipuzkoako edizioan. Politika minuskuloa du izenburua.
Ttap eskuratzeko: ttap.eus