Euskara Interneten: argi-ilunak
Luistxo Fernandez
2008/09/29 10:07
Unesco Etxeak antolatutako Hizkuntza gutxituen erronkak globalizazio aroan izeneko biltzarrean izango naiz hizlari, Bilboko Euskaldun Jauregian, urriaren 10ean. Euskara Interneten: argi ilunak, hori izango da nire aportazioa. Urriaren 9an eta 10ean izango da nazioarteko jardunaldi hau, eta www.hizkuntzagutxituak.net webgunearen bidez izen-ematea libre da, harik eta 220 plazak betetzen diren arte. Nazioarteko gonbidatuak egongo dira biltzarrean (ikus programa), eta hiru hizkuntzen arteko aldi-bereko itzulpena izango da. Nik euskaraz emango dut nirea, baina PPT aurkezpena agian ingelesez eramango dut.
Lehenago, aste honetan, urriaren 2an, Legazpiko Kultur Etxean dut beste zita bat, blogosfera euskaldunari buruzko mahainguru bat.
Eskerrik asko Saioa (deitura ahaztu zaizu, aizu!). 27zapata: atera dut testua beste artikulu honetan. Hitzaldiaren bezperan, 20 Minutos egunkaritik deitu zidaten, eta elkarrizketa hau egin. Gero Meneamen azaldu zen.
Argazkiak.org | Luistxo 20 minutos-en © cc-by-sa: garaolaza
Datorren larunbatean, El Correo egunkariko Territorios gehigarrian ere azalduko da honen inguruko zerbait euskaraz (paperean, ez sarean).