Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Euskal Herria 2.0 jardunaldietan

Euskal Herria 2.0 jardunaldietan

Luistxo Fernandez 2006/09/14 17:59
Jardunaldi interesgarri batzuk antolatu dituzte Donostian (Artelekun), datozen bi ostegunetan, irailaren 21ean eta 28an: Euskal Herria 2.0.

Egitaraua hemen duzue, eta izen guztiak oraindik konfirmatzeke dituztenez, ez da ageri hizlaririk... Baina jende interesgarria egongo da. Horietako batzuekin egingo dut nik berba, 21ean, 18.00etan, mahainguruan: Lokalizazioa Euskal Herrian. Nirekin izango dira Gotzon Egia (EIZIE; Foru Aldundia), Joseba Makazaga (EHU) eta Arkaitz Zubiaga (Zabaldu.com, Mutilmedia).

Lokalizazioaz ez dugu l10n terminoarekin ulertzen den maila edo zentzu tekniko horretan berba egingo. Uste dut beste bat dela antolatzaileen asmoa: Euskal Herria munduan nola kokatu sarean, sareko mundu hori nola ekarri, erabili, Euskal Herrian... Saiatuko gara ikuspegi batzuk ematen norabide horretan.


etiketak: ,
gaztelumendi
gaztelumendi dio:
2006/09/15 00:06

Interesgarri eta gainera beharrezkoak.
Euskal Herrian, horrelako ikuspegia lantzeko mintegirik ez da egon orain arte. Blogetan, Sustatun, posta zerrenda batzuetan berba egiten dugu... baina Interneten aro berriari heltzeko orduan, nor bere kabuz ibiltzen garela iruditzen zait.

Nik ere gogotsu hartu ditut topaketok. Ikusi dut auzolanean antolatzen ari direla... eta baikorra naiz.

Orain jendearen erantzuna eta oihartzuna behar dute.... Euskal Herria 2.0 horretara helduko bada.

Gainontzekoa Artelekun ikusiko dugu.  Wifia irekia ere badago -ez da ohikoa oraindik gure herrietan- eta hori be profitatu beharko dugu,  ekitaldiak ahalik eta egokien jarraitzeko.

 

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.