Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Duela 20 urte, Euskaldunon Egunkaria

Duela 20 urte, Euskaldunon Egunkaria

Luistxo Fernandez 2010/12/05 19:58

Duela 20 urte gau berezia izan zen hau neuretzat. Euskaldunon Egunkariaren lehen alerako lana amaitu genuen, eta parranda egin genuen orduan Lasarten zegoen erredakzio hartan. Ikasle nintzela, amets moduko bat zen euskarazko egunkari batean parte hartzeko pribilejioa izan nintzakeela halao batean. Eta iritsi nintzen amets hori egiaztatuta ikustera. Harro nago lan apur bat egin nuelako, beste lagun askorekin, proiektu hura gauzatzen.

Argazkiak dira Egunkaria.info webgunekoak.

Biharamunean, hauxe egon zen salgai. Besteak beste, Durangoko Azokan. Egun hartan bertan Egunero izeneko proiektu baten simulakroa banatu zuten Jaurlaritzaren kontra-ekimen batekoek. Euskadi Irratiak kazetari praktikante bat zeukan Durangoko Azokan, eta instrukzioak jaso zituen Irratitik galdeketa egiteko Azokako bisitariei: ea zer iruditzen zitzaien Egunero. Horixe da egia, Euskadi Irratiak zer galdetu zuen Durangoko Azokako kale-inkesta hartan, Euskaldunon Egunkaria jaio zen goizean, 1990eko abenduaren 6an.

Egun hauetan ez dut inon ikusi urteurren honekin ezer egingo denik. Ni behintzat ez naiz enteratu.

Eguneraketa, abenduak 6: Goio Aranak emandako erantzunetik eta kargatutako irudietatik, horra Egunero haren azala:


Argazkiak.org | Egunero (1990) 1. orrialdea © cc-by-sa: goioarana

Luistxo
Luistxo dio:
2010/12/06 10:12

Interesgarria etxean duzuna, Goio. Argazki handiagoak kargatu beharko zenituzke, agian. Hor ikusten den horretan nabaria egiten zait Egunkariak euskarazko komunikazioan ezarritako mugarri bat: aurreko 15 urteetan nagusitu zen aditz laguntzailerik gabeko titulatzeko era bitxi eta absurdo horren amaiera. Kuwait hartu Irakek horretan ergatiboa bere tokian dago, baina beste zerbait falta da. Euskaldunon Egunkariak buelta eman zion horri, oker ez banago Koldo Izagirreren aholku sutsua tarteko, eta lehen ale horretan ere ikusten da Durangoko Azokaren titularrean. Aholkua arau bihurtzeko pribilejioa ere izan nuen, Estilo Liburua atera genuenean. Gaur egunean euskara komunikatiboa hori da, eta Egunero gailendu balitz, akaso bestea izango zen.

Goio Arana
Goio Arana dio:
2010/12/06 11:24

Argazkiak.org-era igo ditut Egunero-ko irudiak tamaina handian, irakurtzeko moduko neurrian. Hemen daude: http://www.argazkiak.org/search/egunero/

Jarri zioten data faltsutik aparte, beste bitxikeria bat dago Luistxok bere testuan aipatzen duen ideiaren harira. Egunero horretan, publizitate bakarra dago. Norena? Euskadi Irratiarena.

Luistxo
Luistxo dio:
2010/12/08 19:53

Gaia Sustatun irten da, eta bertan Imanol Muruak, beste batzuen laguntzarekin, duela 20 urteko Egunkariaren lehen ale haren lantaldea osatu genuenon alineazioa eman du.

Goio Arana
Goio Arana dio:
2010/12/05 22:46

Noizbaitean diru asko balioko zuela esperantzarekin Durongon eskura jasotako ale bat gorde dut gaur arte.

Hauxe da Luistxok aipatzen duen zortzi orrialdeko simulakroa. Bitxikeri moduan aipatu, zenbakiari 1990eko abuztuaren 4ko data jarri ziotela. Azalean dion moduan, "Etortzear dagoen, ekartzear daukagun, egunkari hori nondik nora ibiliko den eta zer itxura eta tankera izango dituen agertzera dator EGUNERO ale hau".

Hona igo ditut orrien argazkiak:

http://www.argazkiak.org/photo/egunero-1980-1orria-2/

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.

artxiboa
2024 2023 2022 2021 2020 2019 2018 2017 2016 2015 2014 2013 2012 2011 2010 2009 2008 2007 2006 2005 2004