Desioa, arriskua, besteen bizitza
Iaz asko gustatu zitzaidan Brokeback Mountain, eta kontatu nuen hemen. Oraintsu estreinatu da Ang Lee zuzendariaren hurrengoa, eta asteburuan ikusi nuen. Desioa, arriskua. Ze ona. Gomendatzekoa guztiz. Brokeback baino sexualagoa oro har, eta heterosexualagoa, zer esanik ez. Kamasutra estiloko eszenak, ikustekoak.
Donostian ikusteko aukera, bertsio originalean, txineraz gaztelaniazko azpititulekin. Hala ikusi nuen nik txineraz Antiguo Berri zineman, eta ia 3 ordu airean pasatu zitzaizkigun. Zineko sarreratik 200 metroko erradioan, bi jatetxe eta bi bazar txinatar daude. Baina zinean ez zegoen txinatarrik neure pasean. Ikuslearen egunean joango ote ziren?
Ingelesez ez den hizkuntzan OscarDra aurten eroateko neure pronostikoa, hauxe. Iaz sari hori eroan zuena, Besteen bizitza, alemana, asteburuan ikusi dut halaber (ordenagailuan). Hori ere ona, hotzagoa, baina paralelismo askorekin bestearekin: traizioa, maitasuna, gerra politikoa, antzerkiaren papera, ministro miserablea eta haren maitalea... ez dut gehiago esango: spoilerrik ez.
Kaixo Luistxo, orain arte ez nuen irakurria zure post hau, Bloglinesen ataskoa daukat. Filmea oso ona da bai, Yee jaunaren papera egiten duen aktorearen lana ere ikusgarria (Hero pelikulan atera zela gogoratzen naiz). Brokeback Mountain ikustera animatu nau, ez dakit zergatik alde batera utzia bainuen. hala ere hoberena pelikulako neska protagonista, oraindik maiteminduta nauka.
Por tzierto, Spoiler bat zer den begiratu det Wikipedian, eta konturatu naiz pelikulari buruz idatzi dudan post-aren zati bat spoilerra izan daitekeela...