Tagzania eta mapak mintzagai harturik Blogak 2.0 topaketan
Luistxo Fernandez
2006/03/29 15:55
Datorren astean, apirilaren 6an, Bilbon izango naiz ebento batean hizketan. Blogak 2.0 topaketa izango da egun guztian Deustuko Unibertsitatean eta hantxe izango naiz, arratsaldeko panel batean, mapak eta Tagzania mintzagai hartuta. Ea kontatzen eta erakusten dudanak interesa duen. Adibidez, irudi hau:
Hondarribiko etxe batzuen kokapena (etxeen planten ertzak) Google Maps irudien gainean ikuskatuak... Garapen lokalerako aukera handiak daude mapen kontu honetan, bai horixe.
Arratsaldeko panel batean jarri naute. Mapen kontu bera izango dute mintzagai nire aldamenean Miguel Cuesta Dirson Alianzo-koak ( Bilbao.bi ) eta Diego López de Ipiña, Deustuko Unibertsitateko irakasleak.