Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Dibulgazioa Naberonatonasunari edo Naberanismoari aurre egiteko

Dibulgazioa Naberonatonasunari edo Naberanismoari aurre egiteko

Luistxo Fernandez 2006/01/03 15:29

Ricardo Gomez filologoaren blogean sortutako polemika batean, Iban Zaldua ikusi dut iruzkin interesgarria egiten.

Gomez, eta bere laguna Joseba Lakarra, filologo serioak dira, eta argumentu onekin ezetatzen dituzte Josu Naberan bezalakoen pseudotesi absurdoak eta negar- edo barregarriak. Baina, hara, Berrian eta Garan, behin eta berriro azaltzen da Naberan, eta harenak ameskeriak direla dioenik ez da azaltzen.

Ibanek zera esaten die Gomez eta Lakarrari: dibulgazio popularragoa behar duela euskarazko filologia serioak, Naberanismoak (edo Naberanotasunak) prentsan duen presentzia merezigabea kontrarrestatzeko. Baina arrazoi du halaber Ricardok dioenean dibulgazioa ondo egin behar dela, eta berak bere burua ez badu horrela idazteko gai ikusten, sinetsiko diogu.

Ai, luma finen bat ausartuko balitz... Uste dut Joseba Jaka beka lehiaketari beste jardun bat tokatzen zaiola 2006an, eta saiakera alorrean, benetan, inork halakoren bat aurkeztuko balu, Lakarra eta Gomez eta besteen ezagutza batu, eta modu eraginkor eta dibulgatibo batean idatzi, besteen lelokeriak salatzearekin batera... Lehen lana, norbait horrekin ausartzea, eta bigarrena, Joseba Jaka bekako epaimahaiak hori baloratzea.

Enfin, nor ausartuko hori idaztera? Zalduak unibertsitatean akaso ezagutzen du luma gazterik, halako saiakera baterako doain eta gogoa izan dezakeenik. Eta Jaka beketako epamahaia independientea eta beregaina izango da jakina, baina, tira, Elkarlanean Fundaziotik edo zirrikitu batetik sujerentzia egingo balie baten batek...

Entsegu dibulgatibo horren premia dugula uste dut.

Josu Aztiria
Josu Aztiria dio:
2006/01/03 18:54

Bai motel! Beste horrenbeste esan daiteke "Euskal zibilizazioaz" idazten duten horiez ere. Harrigarriena egiten zaidana da artikulu horiei bai Berrian eta bai Garan ematen zaien lekua. Gogoratzen dut Ostiela aldizkarian aspaldi egon zela horren inguruko eztabaidaren bat, baina nik ere faltan botatzen dut honelako sasi-teoriei erantzungo dieten artikuluak eta lanak.

Xabi
Xabi dio:
2006/01/04 18:49

Josu Jon, nik gauza asko ez dakizkit, baina jakin badakit Naberanen teoriei benetako zientzia izateko asko falta zaiela. Hori da sasi teoria, mundu xelebre honetan zein beste mundu batzuetan.

Luistxo, euskal new age-ren gurutzat duzun arren, nik behintzat ez dut ikusten oinarri bako kontuak botatzen. Naberan bai, sentitzen dut baina hala da, nik ez daukat ezer Josu Naberanen kontra baina gauza batzuen aurrean ezin gara isilik geratu.

Josu Jon
Josu Jon dio:
2006/01/03 23:09

Luistxo, bai arrazoia duk, Naberan euskal new agearen guru-saltzaile bat duk, baina hire estilokoa. Hi ere ziber-guru-saltzaile ederra haiz. Zer da hau? Noren garbikariak zurien garbitzen duen agertzeko lehiaketa? Zer da sasi teoria, eta zer benetako zientzia mundu xelebre honetan?

Mikel
Mikel dio:
2006/01/05 17:07

Atzo lau erantzun zituen artikulu honek. Zer gertatu da laugarrenarekin?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.

artxiboa
2024 2023 2022 2021 2020 2019 2018 2017 2016 2015 2014 2013 2012 2011 2010 2009 2008 2007 2006 2005 2004