Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Donostian hizlari blogez eta sare sozialez

Donostian hizlari blogez eta sare sozialez

Luistxo Fernandez 2005/12/19 16:12

Bihar asteartea, hilak 20, mahai-ingurua dut Donostian, eDonostia udal ekimen teknologikoak antolatua: blogen fenomenoa eta sare sozialak.

Euskal Herrian egin nuen azken hitzaldian gaztelaniaz hitz egin nuen, eta lotsatu samar geratu nintzen. Egia esanda, ez dakit nola hitz egingo dudan bihar. Powerpointa euskaraz eroaten saiatuko naiz, baina hizketaldia seguruenik erdaraz izango dela susmatzen dut. eDonostiak ez du ez izenbururik euskaratu bere gunean, behintzat.

Hizlari nor diren ez du jartzen, baina CodeSyntaxetik neu noa, Luistxo Fernandez, eta Alianzo-tik Jose Antonio del Moral. Euskara ikasten dabil Del Moral, baina ez dut uste euskaraz emango duenik... Hispavistatik ez dakit nor doan, baina enpresa horrek ez du euskaraz sekula ezer egin. Eta ni, ba, neure kontraesanekin joango naiz...

Larratxoko eDonostia zentroan 18.30etan, teorikoki 20.30ak arteko denborarekin.

ander
ander dio:
2005/12/20 10:28

Beste batzu ere ez gaude kontraesanetatik libre. Atzo, eDonostiak antolaturiko Internet Astea delakoan, sofware libreaz aritu ziren. Linuxen onura eta goraipen guziak azaltzeko aurkezpena, XP kargatua zuen portatil batean egin zen... Eskerrak aurkezpena OpenOffice dokumentu bat zela!.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.