Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Pagatu, baina ez erretratatu

Pagatu, baina ez erretratatu

Luistxo Fernandez 2005/12/14 15:28

Datu interesgarria Jabi Zabalak gaur bere blogean. Bilboko Metroa diru publikoak eta erabiltzaileek ordaindua, baina debekatuta dugu bertan argazkiak ateratzea. (Nik gehituko dut: ezetz Julio Ibarrak debeku hori altxatu!)

Guggenheimi argazkiak ateratzea debakatuko baliote bezala, dio Jabik. Ba, Jabi, begira: Guggenheim Bilbao Museoan, sarrera bidez eta aurrekontu publikoekin ordaintzen duguna, ez dizute argazkirik ateratzen uzten.

Eta kasu honetan, bestalde, diru publikoarekin gauzak zenbat kostatu zaizkigun ere ez digute esan nahi. Richard Serraren altzairuzko mamotretoak, adibidez. Guk ordainduak, hark kobratuak. Berak badaki zenbatean, eta guk ez.

Bueno, New York Times-ek 16 milioi euro izan zirela esan zuen, baina zifra "ez da ofiziala", diosku Jaurlaritzak. Eta erretratuak ateratzea, debekatuta.

Eskerrak jendeak kamera digitalarekin ez duen kasurik egiten, ez Bilboko Metroan, ez Guggenheimen. Goiko hori, aupa Zaloa! lagun batek egina da. Aupa Zaloa, biba zu!

Bestalde, Guggenheimeko itsuskeriekin jarraituz, edozein erakusketaren web orrian klikatzen baduzue, ikusiko duzue Guggenheimeko euskarazko web orriak eskuz aldatutako HTML estatikoa besterik ez direla (orriaren HTML titulua, aurreko erakusketa batena du, gaztelaniaz).

Jabi
Jabi dio:
2005/12/14 20:33

Ez, ez da gauza bera guggenheim-i argazkia ateratzea (nik jarritako adibidea) eta guggenheim barruan argazkiak ateratzea. Ez lukete barruan ere debekatu behar, dena dela, nire aburuz. Baina hor argudia dezaketena da sormen lan batzuen gaineko eskubideak tartean daudela. Metroan, berriz, ez.

Xabi
Xabi dio:
2006/01/24 04:19

Argazkilaritza zaletua naiz, eta kokoteraino nago "segurtasun arrazoien" inguruko debekuekin.

Metro Bilbao'n bakarrik ez, RENFE-en ere debekatuta dago argazkiak ateratzea. Euskotren'en aldiz ez, hor nahi haina argazki atera ditzakezu (ez al da kuriosoa, MB eta ET biak Euskal Trenbide Sarea-ko enpresak izanda, bakoitzak bere legeak izatea?).

Bide batez, Miramongo parke teknologikoan ere, ADEGIko segurtasun zaindaria etorri zitzaidan nere atzetik, egoitzari argazkia atera niolakoan eta "segurtasun arrazoiengatik" debekatuta zegoelako. Eta kalean nengoen!

Gari
Gari dio:
2005/12/15 01:01

Argudiatzen hasita, metroan ere izango dute argudio zerrenda prest, nagusiena segurtasuna delarik. Seguru.

Eli Laztanguren
Eli Laztanguren dio:
2005/12/15 16:46

Debekatuta egongo da, baina nire lagun batek, U. Potek, ere egin zituen argazkiak Guggenheim museoaren barruan udan, museoa suntsitzeko magia beltza edo halako zer edo zer egiteko. Nik argitaratu nituen irudiok nire blogean.

Hemen daude ikusteko

http://www.goiena.net/blogak/kixmi/18

Xabi
Xabi dio:
2006/02/18 03:44

Gaiari eutsiz: http://burdinbidean.blogspot.com/2006/02/metro-bilbaon-argazkiak-ateratzea.html

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.