Permalinkak eta mapa ikusmirak MSNren aplikazioetan

Tira, atzo Tagzaniaren aukera berri hori deskribatzean, lartxo aurreratu ginen. Ez da posible Tagzaniatik ikusmira ikaragarri horiek zuzenean irekitzerik: badirudi Microsoften Windows Live Local honek ez duela URL zuzenik automatikoki sortzeko modurik ematen.

Doiketa bat egin dugu, eta orain ere ireki daitezke Live horretako mapak eta airezko irudiak, hala nola New York-eko toki ezagun honetakoak, baina perspektiba harrigarri horietara iristeko, klik bat harantzago joan behar, Bird's eye aukera ageri bada (erresoluzio handia dagoen tokia delako), hantxe klikaturik iritsiko gara.

Microsoftek arrera gehiago jarri beharko lieke mapen permalink hauei. Izan ere, mapa sistema hau Virtual Earth izenarekin martxan egon den bitartean (uztailetik hona) inork permalink loturarik gorde bazuen, neuk honetxekin egin nuen bezala, dagoeneko ez dio funtzionatuko. Permalink kontzeptuari ez diote errespetu handirik gorde honako honetan. Ea aurrerantzean.