Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Ingelesen hilerria / Euskaldunak eta .cat domeinua

Euskaldunak eta .cat domeinua

Luistxo Fernandez 2005/09/19 11:44

Katalanek .cat domeinua lortu dute. Zorionak. Haiek diote .cat domeinuarena ez dela territoriala, baizik eta kulturala. Lorpen nazionalista bat bada behintzat, baina, ni, sarean, inon baino internazionalago eta internazionalistago sentitzen naiz, euskaraz egiten dudanean batez ere.

Lorpen abertzale honen baliagarritasunaz nire zalantzak ditut. Eibarnauten elkartekook, Eibar.org eta Aurki.com domeinuen jabe garelarik, aldatuko genuke Eibar.eus eta Aurki.eus-era? Nik ezezko botoa emango dut, bozketa iristen den unean.

Horrez gain, beste kontu bat dago. Zein kapazak diren katalanak gauzak mugitzeko eta Interneten eragiteko, eta zein ezgauza, beharbada, euskaldunak. Ni ere pesimista samarra naiz geure gaitasunaren kontu honetan.

Baina noski, inork bidea jorratu nahiko balu, txalotzekoa litzateke, eta positiboa, oro har, euskal internautismoarentzat. Alde horretatik, uste dut biderik praktikoena izan zitekeela duela egun batzuetako Berria-ko inkesta batean ikusi nuena: Mendebaldeko Saharak duen .eh domeinu aktibatu gabea, aktibatzen lagundu haiei, Tindufeko agintaritzari, eta haren kudeaketa eroan Euskal Herritik, RASD erakundeari komeni dakizkiokeen domeinuak esleituz, eta gainerakoan, besteak salduz.

Petrus
Petrus dio:
2005/09/22 13:02

Aupa. Egia esan ni bixkat gogaitua nago irizpide kuantitatibista hauekin, alegia: katalanak beste izan arte jai daukagu, kanpaina egoki bat antolatu ta presioa egiten dugunean akaso, etc... jakin badakit mundu errealak, tamalez, hola funtzionatzen duela baina zergaitik ez dio esaten norbaitek ICANN horri munduko kolektibo guztiek dutela euren domeinua izateko eskubidea, txikiena izanda ere?

Zeren euskaldunak gutxi bagara pentsa zer etorkizun duten inuit-eraz edo eskoziako gaelikoz berba egiten dutenak... haiek ere existitzen dira eta, gutxiago direlako, ezin dira existitu ofizialki? Ez nekien eskubideak zenbaki kopuruei lotuta zeudenik; ta hola bada, non dago marra? zenbat hiztun izan behar ditu komunidade etno-linguistiko batek ICANNeko guay horiek (eta gure inguruko nazionalismo inperialistek) onar dezaten?

3ARRANO
3ARRANO dio:
2005/09/21 14:17

Nik uste dut, nahiz eta euskal domeinua oraintxe bertan onartzea nahiko nukeen, ez gaudela gertu horretarako. Eta orain hori eskatuz gero, ez lukete onartuko.

ICANNekoek esan zuten .cat domeinua onartu izanaren arrazoi garrantzitsu bat internauta kataluniarren kopurua eta babesa izan zela.

Ez dut uste oraindik haiengana inondik ere inguratu garenik. Nik uste euskal sarea indartzen jarraitu behar dugula oraindik.

Eta noski, askoz nahiago dut .eh .eus baino...

Petrus
Petrus dio:
2005/09/22 13:02

Aupa. Egia esan ni bixkat gogaitua nago irizpide kuantitatibista hauekin, alegia: katalanak beste izan arte jai daukagu, kanpaina egoki bat antolatu ta presioa egiten dugunean akaso, etc... jakin badakit mundu errealak, tamalez, hola funtzionatzen duela baina zergaitik ez dio esaten norbaitek ICANN horri munduko kolektibo guztiek dutela euren domeinua izateko eskubidea, txikiena izanda ere?

Zeren euskaldunak gutxi bagara pentsa zer etorkizun duten inuit-eraz edo eskoziako gaelikoz berba egiten dutenak... haiek ere existitzen dira eta, gutxiago direlako, ezin dira existitu ofizialki? Ez nekien eskubideak zenbaki kopuruei lotuta zeudenik; ta hola bada, non dago marra? zenbat hiztun izan behar ditu komunidade etno-linguistiko batek ICANNeko guay horiek (eta gure inguruko nazionalismo inperialistek) onar dezaten?

Petrus
Petrus dio:
2005/09/20 14:21

Galdera bakarra: zergatik bozkatuko zenuke ezetz zuen orrriei .eus buztana jartzeari? Ez duzu argitzen zure oharrean.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu:

The English Cemetery

El cementerio de los ingleses

Nire kontsumo kulturala: 2012/13 | Zinea | Telebista | Artea | Liburuak | Antzerkia | Musika

Hemengo edukien lizentzia: Creative Commons by-sa.

E-postaz harpidetu: hemendik.