Autodeterminazio teknologikoaren bidean, atzerapausoak
Arrazoia du Jabi Zabalak, 2005erako egindako aurreikuspen internetisten artikuluan.
Eusko Jaurlaritzak bere webgunea jabedun softwarearekin egitea edo Microsoft-en hainbat lizentzia ordaintzea atzera pauso tamalgarriak dira autodeterminazio teknologikoaren bidean.
Eusko Jaurlaritzak propaganda bai, baina software librearen dekretu aktiboak onartu ditu azken aldi honetan, hori da egia latza. Duela gutxi, software librearen guru nagusia ekarri zuten Bilbora, Richard Stallman, eta harekin erridikulua egiteaz gain (Linux-erako apropos ez funtzionatzeko egina den CD ustel bat eman ziotela salatu du Stallmanek ) propaganda gezurtia egiteko aprobetxatu zuen Jaurlaritzak. Kontu jonek oihartzuna izan du, adibidez El Pais-en, non titular benetan bitxia jarri duten, Stallmanen berba batzuk erabiliz:
Stallman en Bilbao: 'Aquà se ve la cara del enemigo' El gobierno vasco regaló un disco que no puede reproducirse en sistemas Linux a uno de los ideólogos del software libre
Baina Junkeraren diskoa anekdota bat da. Larriena GEZURRAK dira.
Barrapunton irakurri dudanez, Ana Agirre Industria sailburuak hau esan zuen:
*No voy a hablar yo hoy de qué es el software libre, para eso aquà tenemos a una eminencia en el tema: R. Stallman. Solo decir que nos hemos comprometido esta mañana seriamente a implementarlo en Eukadi en breve*
Propagandarako ekarri zuten Stallman, eta hori da dena, propaganda. Ze, ez. Agirrek esandakoaren justo kontrakoa dekretatzen ari da Eusko Jaurlaritza, eta susmoa dut Ana Agirrek jakin ere ez dakiela hori, bere gobernuak EJIEren eskupeko ze dekretu sinatzen diharduen, software librearen kontrako neurriak ezartzen.
Kontrastea beste nazionalista batzuekin, nazionalista kontsekuenteago batzuekin, adibidez Rodriguez Ibarrarekin. Joan den ostiralean, Ibarretxe planaz bere azken astakeriak esatearekin batera (Ertzaintza barne ministerioaren agindupean jarri), sail berri osatu zuen bere gobernuan: Garapen Teknologikorako kontseilaritza edo saila.
Linex eredua eta software librearen, garapen teknologiko lokalaren alde, sendo dihardu Rodriguez Ibarrak, eta erreferente teknologiko argiak edukiz Europan.
Ezagutu eta zabaldu egia, software librearen alde zer onartu zuen Eusko Legebiltzarrak, eta horren guztiz kontrako dekretua nola ezarri duen Jaurlaritzak.
Software librea eta Eusko Jaurlaritzaren kontura, beste buelta bat norabide berean: Hiru.com-ek martxan jarri du hizkuntzak online ikasteko sistema euskal hiritarrontzat.
Ezetz asmatu zein software behar duen norberak euki Hiru.com-en hizkuntzak ikasteko!
Seguru asmatu duzula: Microsft-en Internet Explorerra.
Test bat egiten du sistemak ordenagailuan ditugun programak egokiak diren aztertzeko eta neurean behintzat hauxe da emaitza:
"El navegador de su ordenador no permite utilizar TELL ME MORE ONLINE. Le recomendamos su actualización instalando Microsoft® Internet Explorer 6.0 o el uso de otro ordenador que disponga del mismo."
Enfin, gauza bat da Windows eskatzea, baina nabigatzailea ere...!