Data aldaketarekin, deklinabidea zuzen euskaratuta gure blogetan

Eskerrik asko erantzunagatik, Mikel. Baina aldaketa iturburu kodean egin behar bada, bloga eibar.org-n dugunok ez dago ezer egin dezakegunik, ezta?

Norbaitek zerbait egin ahal izatekotan, Luistxok eta konpainiak egin dezakete, ostatatze zerbitzukoei (Zettai-n dago eibar.org, ezta?) abisatuz... Baina hori lortzeko ondokoak bete beharko lirateke:

• Lehenengo eibar-org-eko blogari guztiei interesgarria iruditu beharko litzaieke
• Ondoren ostatatze zerbitzukoei abisatu ea posible den
• Kontratatutako modalitatea norberarentzako zerbitzari esklusiboa balitz, ez legoke problemarik, baina hala ez bada, ostatatze zerbitzukoei beste bezero guztientzako moduko aldaketa iruditu beharko litzaioke

Zailtxoa agian, ez? Eta ZMIn zerbait eginez ezin ahalko litzateke?

Herenegun konturatu nintzen artxiboko hilabeteen zerrenda desagertu zitzaidala, eta pentsatu nuen urte aldaketagatik izan zitekeela. Nola konpondu zuri edo Gariri galdetzeko asmoa nuen, baina hemen erantzun didazu. Mila esker. Orain lehenbailehen zerbait argitaratu behar!

Baina beste zalantzatxo bat dut zuei, CoreBlog espertoei, galdetzeko. Bilaketa aukera jarri diot nireari, baina konturatu naiz mezuaren eta erantzunen izenburuan eta sarreran soilik bilatzen duela (title eta body), eta ez mamian (extend). Ba al dakizue hori konpontzen?

Eta bukatzeko, beste gauzatxo bat: bloga martxan jarri nuenean, ez nekien trackback-ak zer ziren eta zertarako balio zuten, eta geroztik argitaratu dudan guztia aukera hori gabe argitaratu dut; duela gutxi ikasi dut zer den eta aktibatu egin dut idatzitako artikulu guztietan; zuk nire artikulu bati erantzun zenion (MythTVren aurrekontua eskatuz eta euskal blogosferara ongi etorria emanez) eta zure blogean ere argitaratu zenuen; orain badakit hori trackback bidez txukunago gelditzen dela, beraz nahi baduzu mezu horren trackback-a bidal diezadakezu, horrela nire blogean lehen trackback-a izan dezadan...

Aldaketatxo bat egin behar da COREBlog-en iturburu kodean (ez da ZMI-tik egiten, produktua aldatu behar da):

Entry.py fitxategian, 378. lerroan search_text metodoa definitzen da. Metodo honetan definitzen da zer izango den bilagarri. Adibidez,

text = self.title + "\n" + self.subtitle + "\n" + self.rendered_body

jartzen duen lekuan

text = self.title + "\n" + self.subtitle + "\n" + self.rendered_body + "\n" + self.extend

jarrita, 'extend'-ean ere funtzionatu beharko luke.