Disko onenen, kantu onenen eta zutabe-ipuin onenen zerrendak
RockDeLux-ek Espainiako historiako rock disko onenen zerrenda bat atera eta komentarioak inguruan. Tartean, Sustatukoak ere bai Iban Zalduaren eskutik. Zalduak, gainera, euskarazko diskoen zerrenda osa dezagun proposatzen digu.
RDL-koen zerrenda espainolean, baskoen artean faltan bota dut La Dama Se Esconde-ren baten bat.
Euskal zerrendari dagokionez, horra neurea:
- Ruper Ordorika. Ni ez naiz Noruegako errege.
- Hertzainak. Hertzainak.
- Xabier Montoia. Beti oporretan.
- Delirium Tremens. Ikusi eta ikasi.
- EH Sukarra. EH Sukarra.
- Itoitz. Espaloian.
Bestalde, uste dut datozen mendeetarako hit-paradeak, printzipioz, kanten gainekoak izan beharko direla. Album-a, kontzeptu gisa, hiltzat jo daiteke. Kantuz kantuko deskarga legal eta ilegalekin hil dugu.
Bide batez, zorionak eman nahi dizkito blog xume honetatik Iban Zalduari Itzalak liburuagatik. Sustatu prezeski aipatzen duen Conspiration.com ipuina ere sartu du han, Egunkarian argitaratu zen zutabe hura... Lastima hura ez kopiatu izana, orain ez baitago gure artxiboan gordea. Beste bat, aldiz, Egunkariatik kopiatu eta pegatu egin genuen gurean, duela hiru urte: E-maila.